اصبري حبيبتي الله يكون في عونك ولاتخلي للشيطان طريق لقلبك وانت تعرفي ابغض الحلال عند الله الطلاق...بس بقولك قصص واقعيه حدثت لناس والله اعرفهم بل وقريبين مني
الاولى :امرأه كانت عايشه مع زوجها في بيت أشبه مايكون "خرابه" يعني قديم وكانت ظروفه الماديه جيده لكن مارضى يطلعها من البيت بحجة يكون قريب من أهله..وهي طيبة بزيادة يعني كان يرفض تتبع الموضه وتلبس زي بقية النساء تحب اللبس والزينه قبل زواجها لكن بعد الزوج انقلب الوضع لأنه يمنعها بحجة ان الموضه حرام زي العدسات والمكياج...الخ وصارت زي النساء الكبيرات تشيل الحطب وما تشيل الطرحه عن راسها...وغيرها وعلى هالحال تقريبا 9سنوات وعندهم عيال وفجأه يطلعها مطعم(على فكرة ماكانت تروح المطاعم اوتتمشى)المهم ويمثل عليها بدموع كااااذبة ويقول سامحيني يا .....انا تزوجت ومين تزوج ؟؟؟!!!! والمشكلة انه تزوج صديقتها الروح بالروح اللي تصير بنت عمه والطامه انه أخذ سيارة ابوها عشان يكشخ بها قدام زوجته الجديده وابوها مايدري انه بيروح يعقد قرانه ...المهم قالت خلاص لاتبكي انا مسامحتك ولا يمكن ازعل (تعرفون المرأه بطبيعتها ترحم )ويسمعون اهلها بالخبر وينقهرون عليها ويقولون ازعلي واشترطي وووووصارت حكاية الناس هذيك الفتره المهم يوم شاف منها هالعقل قام وسكنها في بيت جديد ويشتري لها ذهب زي ذهب العروس وينزلها السوق وتشتري أفخم الماركات ...وتمر سنه ويطلق زوجته الجديده ويقول انا مااقدر استغنى عن ام فلان هيا الأوله والأخيرة وتعدل حاله كثيييير وصار طيب ومايحرمها من اهلها زي قبل..وهذي نتيجة الصبر
الثانية / امرأه كانزوجها يحرمها من أهلها عشانهم في مدينه ثانيه ولاتكلمهم الاقليل ويحرمها المناسبات بحجة انها تروح تنكد عليه بملابس البنات وكانت ماتطلع وصاروا الناس يرحمونها خاصة انها بنت مدينه ومرفهه عند اهلها وبعد 7سنوات تقريبا يتزوج زوجها وتصبر وتستغفر وتدعي لكن في زواجه خير كثير صار يسفرها لاهلها تشوفهم وتنبسط معاهم بالشهور وزوجته الثانيه كل شوي وهم متزاعلين وتروح لاهلها زعلانه ..المهم تعدل حاله ونسي العناد والكلام الفاضي وصار زي الخاتم لأنه عرف قيمة زوجته الأولى في صبرها عليه
فعليك الصبر والدعاء وصدقيني في زواجه خير ماتري امر المؤمن كله خير ان اصابته سراء شكر فكان خير له وان اصابته ضراء صبر فكان خير له ...ولاتفكري في الطلاااااااااق اش ذنب الأمورين يكونوا الضحيه ...........عموما اسفه عالإطالة واتمنى اشوف ردك