منتدى عالم الأسرة والمجتمع - عرض مشاركة واحدة - كيف اتعامل مع زوجي و اعدل سلوكه و سلوكي ؟

04-11-2008, 10:14 PM

#50

حبيبة ابوها

عضو نشيط

تاريخ التسجيل: Apr 2004

المشاركات: 120

اختي عسجد
صراحة انا امكن يكون ثاني مرة ارد على احد في حياتي
بس موضوعك جذبني
وانا مع الاخت الماسة
انك تحاولي تتدلعي وتدلعيه
يعني من كلامك في الردود انه خلاص ماهمك والحياة ماشية
طيب اذا انتي مقنعة نفسك بها الشي معناتها مشاركات الناس وتعبهم عشانك ماراح يفيد
المهم.....
انا عندي اقتراح وان شاء الله تتقبليه....
حاولي انك تشغلي وقته بيك
بس طبعا يكون بالتدريج..
يعني مثلا تبدين له برسايل حلوة....زي اذا قام الصبح وخرج ارسلي له رسايل حلوة يكون فيها صباح الخير...الخ
من رسايل التصبيحات الحلوة
اذا جا البيت تكوني مسويه فيه حركة حلوة او تتفنني في الاكلات والطبخات(اقرب طريق لقلب الرجل معدته)
مولازم كل يوم
يعني كل يومين كل ثلاثة ايام
وابدئي بالتدريج بالاتصال فيه بس عشان تسمعي صوته وتكلميه كلام حلو
احكي له انه جات سيرته وانتي عند اهلك او مع صاحباتك ومدحتيه حتى لو كانت قصة مختلقة من عندك
اخرجو سوا
اتغزلي فيه طوال الوقت ادلعي اتغنجي عليه
يعني شيء من هذا القبيل
حطي بنت اخوه قدام عينك وحطي في بالك انك تتحديها وماراح تنتصر عليك وانك انتي اللي راح تملكيه
واذاكان ساذج زي ما تقولي راح يكون سهل تكسبيه لانه شكله يحب انه يحس انه هو المهم والاهم من الاهمية
ملاحظة:
امكن يكون لما خطبك عرف ان على قد خطابك مارضيتي بيهم
فهذا الشي خلاه يتفاجأ بالقبول وحس انه شي عظيم ولا ماكان قبلتي في هذه الحالة راح يكون(شاف نفسه شاف حاله)ههههه......مو وقت نكت... اذا كان كذا دلعك له وتبيني ولهك له (ولا تبيني انه مايهم ومو غيرانه والحياة ماشية) راح يخليه يحس على دمه ويشوفك غير البشر
واقبلي مروري وارجو ما يكون الكلام ثقيل عليكي
والله يهديه لك
ويجعلك دايم في قلبه
بس نصيحة قد ما تسوي اذا مالقيتي منه ردة فعل اصبري واستمري لانه مو بسهوله راح يتغير يبغالها صبر ووقت ويمكن يكون وقت طويل
ونصيحة اخرى لاتكلميه عن بنت اخوه في هالفترة لانها ممكن تكون هذي السالفة هي الشرارة للمشاكل بينكم فانا اشوف حاولي تكسبيه اول ويكون لك وبيني له انك تحبيه وتغاري عليه حتى من الهوا الطاير بس بطريقة حلوة............