اخي الفاضل عسى الله يهدي نفوسكم وييسر اموركم
لم افهم طبيعة المشاكل ولكن كل مشكلة تقول بسيطه فمدام انها بسيطه لا تكبر ون الامور وتخلون للشيطان مدخل بينكم خصوصا تقول زوجتك صايمه مصليه خايفه من ربها وقايمه بحقوقك كزوج وواضح انها تخاف الله والطمع غير موجود في بالها بدليل رفضها للأرض وقالت فقط اريد حقي وانت عامل توكيل يعني لو عقلها صغير ومن الحريم اللي مبادئهم ان الرجل اذا عنده فلوس وما شفطتهم منه راح يتزوج عليها أو طماعه كان اخذت الارض وسكتت وتقول مو مقصره في حقوقك كزوج ومأكل مع انها معلمه وصاحبة أفضال عليك يا شيخ حرام عليك والله الكلام اللي انت تقوله انك عايش في نعيم منت حاس فيه وصرفها على اخوانها يا اخي مافيها شي وخصوصاً انه من مالها واللي بتعطيه اهلها ما انت مسؤول عنهم وش يصرفونه فيه بزبرقة سيارة والا زبرقه بيت والا يحرقون بالفلوس اللي تعطيهم قدامك والنظرة المادية ابعدها عن حياتكم الزوجية فالمادة اللي بينكم تصب في شراكتكم الزوجيه والفلوس لا تجلب السعادة فحاول لا تخليها سبب شقاء بينكم اما الخلافات بين الحريم فنصيحة بما انك رجل لا تحشر نفسك بين زوجة وأم وأخت فهم حريم يتصافون بينهم واذا ماصار شي قدامك لا تحاول تتلصص لأجل تعرفه فالنساء هذي طبايعهم اليوم اصحاب وبكره اعداء واللي بعده ولا كأنه صار شي ....
اما طلب زوجتك المتكرر للطلاق حاول تاخذ لك اجازه انت وياها تروحوا عمره ومنها تغيروا جو كم يوم وبجلسه هاديه امدح فيها وعدد ايجابياتها وصارحها باللي متعبك منها خصوصاً طلبها المتكرر للطلاق لكن لا تتدخل في ماده بينها وبين اهلها وقل لها الخلافات موجوده بكل بيت لكن ماهو كل خلاف حله بالطلاق أو التلويح بالطلاق للضغط . يمكن في هالجلسه يتبين لك تصرفات سلبيه منك قد تكون تجهلها ومتعبتها اكثر منك .
وعسى ربي يهدي نفوسكم .
استرسلت وأتمنى أكون افدت