والله ياشغموم انت جبتها على الجرح .. وكنت ناويه انزل هالموضوع بس كنت بتكلم عن نفسي مو بشكل عام .. بس مدامها جت منك .. ابتكلم لكم عن نفسي انا وانتم احكموا ..
انا كتومه لدرجه ما تتخيلونها .. حتى على امي .. دايم تقول لي : شكلك اليوم مصيحه ( باكيه ) لين قلتي بس .. ليش ما تتكلمين ترى الام هي اقرب وحده لبنتها .. ولازم تفضفضين مو زين الواحد يكتم يكتم بعدين ينفجر .. بس انا طبعي كذا ما احب اتشكى لاحد مهما صار خاصة اذا كان شي بيني وبين زوجي ..
طبعا مدام امي لاحظت وهي اقرب شي .. اكيد الكل بيلاحظ .. ومنهم .. بنت عمتي ..
دائما تتلكم عن زوجها وهي اساسا عندها مشاكل ويمكن ينفصلون وهي دايم تكلمني وتاخذ رايي ..
المهم يوم من الايام .. قالت بالحرف الواحد ( انتي ماعندك مشاكل انتي وزوجك .. احسك سعيده في حياتك .. ماعمرك اشتكيتي او تذمرتي ولا ادري اي شي عن حياتكم ...
وين تروحون ..
وين تجون ..
انتم زعلانين و الا راضين ..
يحياتك حاطها عليها حاجز .. مستحيل احد يتعداه ..)
انتهى كلام المذكوره .. وش رايكم فيه ..
احس انها بدت تبعد عني وما تاخذ رايي .. وانا حسيت بالذنب تجاهها ..
لانها ما باقي الا شعره وتنفصل عن زوجها .. وكنت انا اللي اقنعها وتقتنع برايي ..
بس عقلي الباطن ارتاح منها شوي << اهم شي عقلي الباطن ..
لاني كنت اخاف من كلامها الصريح .. والادهى من ذلك انها تبيني اتكلم عن علاقتي الخاصه مع زوجي ...
وقلت معليش امي واخواتي ماقد حكيت لهم عشان احكي لك ..
بس اهم شي ان الواحد ما يستهين بتحصين نفسه ... عند اعلان الخطوبه .. الملكه .. الزواج .. السفر .. الوظيفه .. اي شي في الحياة .. والواحد يقضي حوائجه بالكتمان مو لازم الكل يدري وش سوى ووين راح ..
لان العين حق ومذكوره في الكتاب والسنه ..