اول الشي فضفضة النسوان شي وحبهن لازواجهن شي تاني احيانا خاصة النسوان بيحبوا يفضفضوا حتى ماينفجروا
انت بتعرف انه الكبت يولد الانفجار
بس مع هيك عيب انه الوحده تطلع بس عيوب زوجها دون ذكر حسناته بس في نسوان بيعملوا هيك حتى ماينحسدوا
على العموم بالنسبه الي انا تزوجت وانا ماكنت موافقة يعني ماكنت احبه واللي زاد هالشي معاملة زوجي في بداية زواجنا
ياللي زادت كرهي اله لكن الحمدلله لله الفضل والمنه انا من النوع المسالم طيبه للاسف يمكن هدا الشي اللي خلى كتير ناس يتحكموا بمجريات حياتي
طيبتي خلت زوجي يتمسك في ويغير معاملته ويغير اسلوبه فحبيته وكل فترة احس انه حبي اله بزيد
مش رح اضحك عليك واقولك مشاكلنا اختفت لكنه الحمد لله صار يقتنع بكلامي اكتر ويرد علي اكتر حتى اهله اللي كانوا يتحكموا فينا ابعدهم نسبيا في اشياء لانه لساته برد على بعض كلامهم وصار قراره بايده وصار يرد على اي حد بيغلط في ومع مرور 4سنوات من تغيره صدقني اني صرت احبه اكتر
اخيرا معاملة الزوج ومدح الزوجه واهتمام الزوجه بزوجها مش بس اول سنه اوسنتين لا دايما الها اثر كبير في رفع درجة الحب بينهم
فالزوج اللي مابعود بهتم ببيته او اهتمامه الخاص بزوجته ( طبعا بدون سبب ) يتحمل تغير زوجته لانه ماعندها محفز معنوي يحفزها انها تحاول
والعكس صحيح الزوجه يلي مابتهتم بحالها ماتستنى مدح زوجها
والنتيجة انه الحب يختفي مع الوقت
بالنهاية المسؤولية مشتركه
تحياتي
__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..