منتدى عالم الأسرة والمجتمع - عرض مشاركة واحدة

08-11-2008, 07:47 AM

*الماسة*

عضو مميز و مثالي

تاريخ التسجيل: Feb 2007

المشاركات: 1,126

حلى التوفي

السلام عليكم ورحمة الله وبركاته

أخواتي الكريمات

دائما ماأتجول في قسم عالم التغذية والطبخ

وأقول في نفسي .........ياترى

...........هل بيجي يوم واشارك فيه بطبخة حلوة

والله كل ماأطبخ أنسى أصور

وأتذكر بعد ماناكل

يوم الأربعاء زوجي كان عليه احضار الإفطار لزملائه المدرسين

وأخونا في الله نسي وخرج بدري من الدوام عشان ولدي مريض وبياخذه للمستشفى

شوي واحنا جالسين إلا واتصالات على جواله

....... ياربي عساه خير

كل المدرسين يعاتبونه وين فطورك

المهم وعدهم بيجيب لهم يوم السبت الفطور وزيادة عليه صينية حلى من البيت

وقالي همتك ياحلوووة

المهم طول اليومين وانا أفكر وش بسوي ...........وطلبني زوجي حلى التوفي

وبدأت العمل على الساعة 12صباحا.....

وسامحوني والله نسيت اصور طريقة العمل وحدة وحدة واتذكرت يوم حطيت الصينية بالفرن

المهم نبدأ المقادير

الطبقة الأولى/

كاسة نارجين.............كاسة سكر خشن..............5 بيضات............ملعقة أكل بيكنج باودر........فانيليا

نخلطهم في الخلاط

وبعدين نضيف عليهم .....2 كاستين حليب بودرة بعد مانحمسه على النار وبيصير لونه ذهبي

ونخلطهم جميعهم ونصب الخليط في الصينية بعد ماندهنها بزيت خفيف

ونضعها بالفرن حتى تحمر بس من تحت......(الشعلة اللي فوق مانستخدمها أبدا)

وهي بالفرن أخذت لها هاي الصورة

وبعد مااستوت طلعتها من الفرن وصار شكلها

وبعدين نبدأ الطبقة الثانية

وهي كاسة سكر ونحمسها شوي على النار

ونضيف لها علبتين قشطة

ونحركها إلى أن تتجانس

ومن ثم نصبها على الصينية اللي طلعناها من الفرن

وبيصير شكلها كذا

وطبعا عملت منها صينيتين عشان تكفيهم...........ماشاء الله تبارك الله

والثانية أضفت على التوفي شوية شوكولاتة

ونحطها بالثلاجة حتى تبرد

وتقدم بالهناء والعافية

طبعا لسه ماقصقصتها

قلت قبل لايمشي ارتبها واصلحها

بس مامداني اصورها بعد التقطيع

تعرفوا حوسة ...............البس الولد ولا أجهز ولا اسوي القهوة

هاذي الصورة بعد ماخلصتها قبل الفجر

اتفضلوا

بصراحة مكسوفة منكم...............اللي يشوفني يقول مخترعة طبخة جديدة

لكن بإذن الله هاذي بداية لما هو أفضل وأجمل وأطعم

على فكرة بقولكم..........كل يوم بحاول أنام بدري بس الصغار الإثنين الله يهديهم يحرموني من النوم

لكن اليوم بالذات عشان أنا سهرت أطبخ .............

هم نايمين في سابع نومة

ولسه بحط راسي على المخدة......إلا ويصحى الأول بعده الثاني

تصدقوا إني مواصلة

الحمد لله مأجورين إن شاء الله

ادعوا لي الله يهدي أولادي وزوجي ويصلحهم ويحفظهم لي

وجزاكم الله كل خير

تحيـــــــــــــــــــــــــاتي

__________________

التعديل الأخير تم بواسطة *الماسة* ; 08-11-2008 الساعة 07:54 AM