اخي الكريم كل اشي نصيب و قدر في هالدنيا
ورب العالمين مش كاتبها الك لحكمة
يمكن بدو انك تحج بعد عناء وانتظار لتحس باكبر روعة و متعة لهالفريضة
يمكن كان مقدر لك اذى هناك بعيد الشر والله يريد حمايتك منه
يعني لو في خير تروح السنة كان رحت لكن الخير والنصيب في سنة أخرى إن شاء الله
صدقني من تجاربي المتواضعة في الحياة اكتشفت انو كل شي بيصير حتى لو ضد رغباتنا بكون خير النا
ودايما بكتشف هالاشي بس بعد فترة يعني لحظة وقوع الشيء بزعل وهيك
بس بعد فترة بصير اشي ترتب عالشي الي زعلني وبكون في كل الخير الي فبحمدالله
فالمؤمن امره كله خير
هادا قدر رب العالمين فاحمده واشكره
وطبعا حضرتك اعلم واكبر مني واكثر خبرة واعرف مني بكل هالكلام لكن حضرتك تحت تاثير الصدمة
وحتصحا منها وتقول بالاخر قدر الله وماشاء فعل
وانما الاعمال بالنيات والله سبحانه وتعالى عارف نيتك وكاتبلك أجر إن شاء الله حتى لو مارحت
وصدقني انا ايضا نفسي احج لكن الظروف ايضا هي السبب
والله يكتبها النا جميعا
وانت بهيك بتكون عرفت كل الترتيبات اللازمة وإن شاء الله السنة القادمة بتتجنب كل الاخطاء هاي
لكن حابة اقول اخي انك استعجلت بالحجز بمعنى استبقت الاحداث
وانا بحس الانسان لو استبق الاحداث وكان هناك ترتيب وتنسيق بشكل مبالغ فيه
فبشعر انو البركة بتزول من الامر
بمعنى الواحد يتوكل على الله ويجهز نفسه بس بالمعقول
وحضرتك حجزت قبل بفترة طويلة جدا وتاملت زيادة عن اللزوم
والواحد لازم يرتب امرو لكن في الوقت المناسب
انا هيك بحس لو الواحد رتب الاشي بشكل مبالغ فيه و تامل وحلم كتير وماحسب حساب الزمن
البركة بتزول من الاشي
يعني الواحد مايكون متشائم طبعا بس يتوكل على الله ويقول يارب يسرها لو فيه الخير
وخلص مايفكر طول الوقت بالموضوع ويحس انو لو ماتحقق حياته حتنتهي
صحيح الحج امر رائع جدا وكبير والله يوعدنا يارب
لكن قصدي انو الانسان يتامل خير برب العالمين ويقول يارب وخلص
كل اشي بوقته المناسب حلو
اما كثرة التامل و التخطيط والترتيب المبالغ فيه بخرب الشغلة هيك شفت بالحياة انا
لااقصد التشائم طبعا لا
ولااقصد الفوضى
بل اقصد الترتيب والتخطيط لكن بالوقت المناسب بدون مبالغة وانو الواحد يحسب حساب الدنيا والنصيب والقدر وظروف الحياة
وانو مش عشان رتب كل اشي فخلص يعتقد انو الشغلة حتصير 100% ولو ماصارت بنهار
اتمنى يكون قصدي وصل بشكل صحيح
وبارك الله فيك و في زوجتك ووفقكم دائما لما يحب ويرضى والله يرزقكم الذرية الصالحة عاجلا غير اجلا يارب
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
التعديل الأخير تم بواسطة ملَك شادي ; 09-11-2008 الساعة 08:37 AM