زهرة نجد؛ والله اني متعاطفة معاها حيل لدرجة انها صارت تعرف نقطة ضعفي وتتمارض.. يعني مرات تخضنا وتخوفنا بقوة، فجأة بآخر الليل تقول ان قلبها يعورها وانها ما تقدر تنام ويودونها المستشفى بنص الليل وتخلينا نحاتيها، ومرة قعدت ابكي طول الليل لما صحيت وما لقيتها بغرفتها واكتشفت انهم مودينها المستشفى، خلتني ابكي زي الأطفال عليها وفي الأخير يطلع ما فيها شي، وتكرر هالموضوع لين بديت احس انها تتدلع وتمثل عشان تحسسنا بوجودها مع اننا مو مقصرين معاها باهتمامنا وسؤالنا عنها. والله ابوي اللي كان فيه المرض الخبيث كان صامد شهور وما كان يتذمر أو يقول شي. كان فيه أخطر أنواع المرض الخبيث وكان اللي فيه من النوع النادر واللي أعراضه آلام مبرحة بس ما كان ينطق بغير ذكر الله والدعاء. وهي اللي ما فيها شي وصحتها زينة تدعي انها مريضة وفوق هذا اكتئاب مفاجئ وما له داعي. احنا الحمدلله ما فينا الا العافية، والله منعم علينا بنعم عديدة، بس هي ما تشوف الا الشي اللي ما يرضيها. وبعدين هي حصل لها أكثر من مرة تسافر بس ما تبي. هي سبب النكد. صايرة نكدية تضايق نفسها واللي حوالينها.
ومو زين اعطيها مضادات اكتئاب لأنها بتتعود عليها ويمكن ما ترضى تاخذها بعد وعارفة وش بتقول، بتقول انتو سبب اكتئابي وعلاجي انكم تتزوجون.