طيب ياملك ليش ماتشغلي حالك باي شي

بصراحة انا دوام زوجي كان ممل وقاتل وكرهت نفسي

كان من 7 الى 2 الضهر ، ومن 4 الى 9 الليل ، طبعا يرجع مهدود مافيه حيل لاي شي في الدنيا

بعدين صار دوامه من 7 الى 8 الليل وبعد كده يخرج مع اصحابه يغير جو

المهم يا ملوكة بعدها بفترة ترك وظيفته وصار معايا 24 على 24

ارتحت؟

والله في البداية كنت طاااايرة

بس بعدين بدأنا نطفش

بصراحة اكتشفنا يا ملوكة انه الانسان مااااينفع يقعد كده

لازم يعمل حاجة يحس من خلالها انه موجود وانه له قيمة في الحياة

سواء دراسة وظيفة تحفيظ دورات معاهد اي شي

المهم تثبتي نفسك من خلالها

فحازلي ملوكة تدوري على حاجة تشغلك وتنفعك في نفس الوقت

كوني مستقلة عن زوجك مو تنتظري بس جيته

ترى خطر على نفسيتك ونفسية البيبي

اخرجي شوفي ناس غيري جو اتعلمي حاجات جديدة

اخرجي من جو البيت ترى الحبسة في البيت قاتلة

وربي يقومك بالسلامة