منتدى عالم الأسرة والمجتمع - عرض مشاركة واحدة - معاقين في مهب الريح
الموضوع: معاقين في مهب الريح
عرض مشاركة واحدة
قديم 12-11-2008, 04:16 AM
  #1
مهزوم
عضو مميز
تاريخ التسجيل: Oct 2008
المشاركات: 362
مهزوم غير متصل  
Question معاقين في مهب الريح
السلام عليكم

ابدأ موضوعي بسؤال واقعي: الى متى يهمش المعاقين بالمجتمع؟

الى متى؟
الى متى؟
الى متى؟

اسمعوا قصتي لتعلموا ان لقب مهزوم لم يأتي من فراااغ بل من واقع مر بغيض
يوم السبت افصحت شقيقتي عن رغبتها بالذهاب للحج لهذا العام ولكن زوجها لديه عمل ضروري ولا يستطيع الذهاب بها00فقلت ابشري انا اوديك من باب برها والاحسان لها فهي بالنهايه اختي

يوم الاحد ذهبنا لأخذ التطعيم ضد الحمى الشوكيه وبنفس اليوم ذهبت انا لاصدار تصريح
الى الان وكل شي تمام

الان لازم نبحث عن حمله ولم نجد ابدا؟؟؟؟؟؟؟؟
ليش؟
انا اقلكم
لان مسؤولي الحملات لا يريدون معاقين لستين الف سبب
هم لم يقولوها بصريح العباره ولكن يتضح من خلال ردودهم

اليوم قلت لأختي وشرايك نروح بدون حمله؟
قالت لا مستحيل اروح واتبهذل ولا نعرف وش ناكل ولا ايش نشرب ولا وين ننام؟
قلت والحل؟
قالت خلاص بروح مع اخوي فلان؟
وكلمته ووافق
قلت ليش سويتي كذا؟
وبعدين خلاص نروح انا وانتي واخوي وزوجته بسياره لوحدنا
قالت لا
وانت يامهزوم اناني
قلت ليش؟
قالت كذا
خلاص طالما انت ربي ماييسرلك تروح اترك غيرك يروح00وبعدين اشوا انك مو رايح
لان لو صارلك شي ببتلش فيك ومابعرف اتصرف ونفس الشي لو انا صارلي شي انت بتبتلش فيني

انا سكت وقلت براحتك اللي يريحك سويه

وبعدها تقلبت المواجع فاكتشفت اكتشاف لا يدعو للشك ان مجتمعنا معيق وماعنده سالفه

حادث بسيط تعرضت له
افقدني زوجتي
وظيفتي
وحتى علاقاتي
ليش طيب؟
لانه مجتمع هش ويحب المظاهر

والله شي يفور الدم حتى الحج مو عارفين نحج؟
ليش مافي حملات خاصه بنا؟
ليش اي معاق يروح الحج يتبهذل وهذا شي انا بنفسي سمعته
واحد اتصل على الاخباريه العام الماضي يقول انا معاق تركت الحج ورجعت لاني تعبت
المرور ما يساعد ولا الناس ولا فيه دورات مياه مخصصه لنا؟

الى متى؟
وش تبون منا؟
تبونا ننتحر؟
نموت؟

مين قال ان الاسلام تخلى عنا؟

وين خراط المجتمع بالجرايد؟
المعاقين والمعاقين والمعاقين وبالنهايه كله كذب في كذب

.................
.................


والله شي ينرفز

سلام
__________________
انا لو هي على كيفي نسيتك
نسيتك مثل ما قلبك نساني
ولكن قلبي يوم اني هويتك
اذا صديت عن حبك عصاني؟!!
التعديل الأخير تم بواسطة عبـدالعـزيز ; 12-11-2008 الساعة 08:51 AM