رز بالبسلة و قطع الفراخ من نوجا
السلام عليكم يا اخواتي
النهارده لم يكن لي مزاج اطبخ اي حاجه كسل طبعا
وعندي في التلاجه بسله وفراخ مطبوخه فقلت استغلهم واعمل اكله مفضلة عندي بسيطه وسهله ومن غير مجهود
اولا شوحت بصله صغيره مقطعه جوانح معاها حبه فلفل رومي صغيرة في زيت قليل وبعدين ضفت عليهم الرز المغسول وقلبت وبعدين حطيت البسله المطبوخه وزودت ميه وكركم للون وطبعا قليل من الملح لان البسله فيها ملح وسيبتهم علي النار لما الرز استوي
في هذه الاثناء (حلوه دي )
لغة عربيه فصحي
شوحت بصله صغيره مع فلفله وشوية جزر مبشور وحطيت معاهم الفراخ المخليه والمقطعه صغيرا والبهار طبعا والملح
وسيبتهم علي النار شويه مع التقليب وزودت حبه كاتشب بقت شاورما تجنن
لما الرز استوي اضفته علي الفراخ و قلبتهم وبالهنا والشفا
كان طعمهم خطييييير
اسيبكم مع الصور اعذروني علي رداءة الصور لاني بصور بالموبايل
__________________
اللهم بارك لي في زوجي وفي ابنتي واجعلها ذرية صالحة
التعديل الأخير تم بواسطة indienne ; 19-11-2008 الساعة 10:33 PM
السبب: تعديل روابط الصور