المشاركة الأصلية كتبت بواسطة منت عاجبني
اهليين أختي ,,
أنا ما عندي فكرة عن اكتئاب مابعد الولادة ,,
ولكن صديقتي على ما اعتقد جاها اكتئاب بعد ما ولدت
كنا بالجامعة الترم الي فات ,, ولدت وحتى إنها داومت بالجامعة بعد ولادتها بأقل من اسبوع !!
(مع إن الجامعة تسمح لها بالغياب لأن عذرها معها)
وانتوا تعرفون الحامل المفروض ترتاح وخصوصاً هي ولادتها ببكر !
ولكن هي كانت تحب تجي الجامعة تبي تهرب من البيت ومن (بنتها) ...
على قولتها (ما احس انها بنتي) و (ياريت ما جبتها) غيرها من كلام يقهرني واقعد اعاتبها واصرخ عليها
لأني لم أكن اعرف انها في حالة اكتئاب ...
كنت اتذكر جيداً كيف كان زوجها يتصل لها ويقول ارجعي البيت ابنتك تصرخ من شده الجوع
لكنها ترفض وتصرخ في التلفون على زوجها وتتعلل بالمحاضرات والانشغال !!
طبعاً زوجها (مايدري شسالفة) فكان يهاوشها ويتهمها بالقلب القاسي 
وانتي مستحيل تكونين ام وانتي وانتي ... الخ
وهذي سالتفتهم كللل يوم تتكرر .. اهي تجي الجامعة وترفض ترجع ترضع بنتها
وزوجها يلاحقها يبي يردها لبنته المسكينة الي ما تسكت من الجوع ...
ولكن بعد فترة .... صارت صديقتي اوكي
وصارت خووش ام  حتى إني استغرب اذا اجوفها تحمل بنتها وتبوسها
اقولها والله تطور من متى صار هالشي 
|