اختي اسمعي مني عندي كم حل ان شاء الله ينفعوكي :
ممكن تروحي يوم زيارة لاهلك مثلا وهو يكون معاك ولما ترجعي البيت سوي نفسك متضايقة واذا سالك ايش فيك قولي ولا شي ونفس الحكاية لين يصر على ان فيك شي وذيك الساعة قولي له ابغى اقولك بس خايفة تزعل او تضايق او تفهم غلط اكيد راح يصر على انك تقولي قولي له انا مو عارفة ايش اقول والا كيف اقول بس انا احبك وما ارضى عليك والكلام اللي سمعته ضايقني وعصبني بس بس هو راح يتنرفز وتوصل معاه ويقول تكلمي قولي عاد انتي هنا فجري القنبلة وقولي له بصراحة واحد من اخواني مو قايله لك مين هو جا قاللي هو زوجك مايفرش اسنانه ريحة فمه مقرفه وجلسوا يتريقوا عليك وانا هاوشتهم وعصبت عليهم بس هما صغار وخايفة يتكاموا قدام احد وانا ما ابغى احد يتكلم عليك روح للدكتور وشوف يمكن عندك مشكلة في اللثة او في المعدة شوف لك حل وبعدين انا كمان من فترة بديت الاحظ هذا الشي بس كنت منحرجة اقولك لكن ما ابغاك تنضر الحق على نفسك اذا كان حالتك لسا في بدايتها وبصراحة حتى في علاقتنا الخاصة صرت ما استمتع معاك بسبب هذه المشكلة وانت متهمني اني باردة والله اني مشتاقة لك مووووووووووت ومشتاقة لانفاسك بس كل ماجالها المشكلة تزيد عندك وانا ماعاد قدرت اتحمل اتمنى ان كلامي مايزعلك مني انا من خوفي عليك وعلى صحتك صارحتك وكمان خايفة على علاقتنا لاتتوتر اكثر ابي ارتاح معاك زي اول ...
وشوفي ردة فعله اذا تقبل منك الكلام كان بها واذا حسيتي انه تضايق امسكي فيه وحلفيه انه مو زعلان منك واعطيه بوسه فوقها ....
وانتي حاولي تكثري من العلك والمنكهات وفي خلطة حلوة سمعت عنها ((بس برضوا لازم تصارحيه وبعد مايعدل نفسه خليه يستعملها معاك ))
وهي: اخلطي بكميات متساوية من الهيل _ والقرفة _ والزر( القرنفل) مع بعض وحطيها في علبة صغيرة في درج الكومدينو جنب السرير وكل ليلة قبل ماتنامي خذي شوي بطرف اصابعك وقلبيها في فمك لين تحسي بريحتها وبعدين انتي حرة بتبلعيها او تطلعيها من فمك اهم شي الريحة مسكت في فمك وهو كمان اعطيه بنفسك قولي له افتح فمك واعطيه هي (خلي الزبالة قريبة منه ) ودايما اهديه مسواك تري مرة حلو ..
اما بالنسبة للشيشة فهي ممكن تكون هي اساس المشكلة انا اول ماتزوجت كان زوجي يشيش وكان كل ماجا قرب مني اقول له قوم تروش وغسل فمك لين كرهته فيها والحمد لله سابها وكمان كنت اقول له بكرة لاجاك عيال كيف تمنعهم منها وانت تشربها راح يقلدوك ومن دا الكلام والحمدلله تخلصت منها نهائيا صار له سايبها اليوم 18 سنة
اتمنى اني افدتك اختي ...وعليك بالدعاء والاستغفار فيه الخير والبركة لكل شي تطلبه من الله ..