حسبي الله هما الناس هيك مابتركو حد بحالو
شوفي ماعليكي منهم الناس هيك هوايتها اطلاق السموم
يعني منهم يتعمد استفزازك
ومنهم هيييييك الله خالقهم لسان بيدب الكلمة مع قلة زوق وقلة مراعاة مشاعر مابتعرفي كيف طلعو بالشكل هادا
وفي معقدين او مابعرف
بس انا حاسة فيكي لانو الناس بتضل ترمي حكي عاي شي
مش شرط الزواج
يعني قبل ماانخطب بشوي كان عمري 22 يعني وبرضو ييجو يقولو ليش ماتزوجتي
فتخيلي التخلف؟
وعادي لما خطبت ليش ماتزوجتي للان خطيبك مستغني عنك ولاشو؟
ولما تزوجت واجلنا الحمل
ليش ماحملتي (من اول شهرين)
ولما حملت قارفيني
اولدي خلصي زهقنا منك يا اما انتي صرتي مخلل ايش هادا
يا اما بدنا نشوف حد غيرك ندعيلو انت زهقتينا
يعني تسال الصبح الوحدة فيهم ليش ماولدتي وترجع بالليل تسال نفس السؤال
او تصحا تقلك ولدتي ولالسة وعالظهر نفس السؤال
طيب ايش تقولي لوحدة بتقلك ليش ماولدتي؟؟؟قدرة الله و ارادته بس لمين تقولي
يمكن تقولي مزح بس مزح مستفز
وعادي الحكي الممل والبايخ ماعمرك بتخلصي منو
بكرة بتتزوجي وبتتزكري
انو الناس مابتسكت عن الواحد
هيك الله خالقهم سبحان الله
يعني فيه انسان بسال انسان انت ليش منبوذ؟شر البلية مايضحك
طبعا انت مش منبوذة ولااشي
بس خرافاتهم هيك بتحكي
وعفرض انك منبوذة مفروض يحسنو نفسيتك مش يسالوكي
يعني مافاهمة هادا كلو نصيب بايد رب العالمين
انت لو وحدة سالتك هيك احكيلها بكل برود
ادعي الله يبعتلك الاجابة على شكل حلم او رؤية
هادا نصيب بايد رب العالمين شو بدو يعرفني
او ماتردي من الاصل
انا معك انو كلام مستفز وفظيع
لكن حرجع اقلك هيك الناااااااااس
خليكي واثقة وباردة
والزواج مش هوة الي حيخليكي مش منبوذة بنظرهم او نظر غيرهم
ثقتك بنفسك ونجاحك في الحياة ودراستك وعملك
وانك تكوني شخصية قوية ناجحة بكل نواحي الحياة
هادا الي بخليكي انسانة ناجحة
ماتحسسي حد انك محتاجة الزواج وقاتلة حالك
عيشي حياتك بالي تقدري عليه
وانبسطي
ولما يجي النصيب بيجي
كل شي نصيب
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت