نفس أسألتك دائماً بسألها لحالي و رح أجاوبك على قدر ما عرفت

بالنسبة للمغص في شاي جاهز بس بتضيفيلو ماء و بتعطيه للطفل بالرضاعة ,,, أنا جبت شراب الشمار و أعتقد هو نفس الشومر

في وصفة أمي استعملتها معنا و قالتلي كتير بتريح الطفل و بتقلل من فرص المغص و ناوية أستعملها مع بنتي إن شاء الله و هي عبارة عن محلب مطحون و سكر نبات و لوز مطحون بتحطيهم بقماشة من الشاش و بتغطيها بماء ورد و بتعطيها للطفل بدل من المصاصة هيك بستفيد من المكونات و ما بتعود على المصاصة و بطرد الغازات

بالنسبة للتحنيك هاي أول مرة أسمع عنه و ناطرة معك إجابة من حد بيعرف


أما تحميم الطفل فبسمع إنو الطفل رح ينام بعد الحمام فإنت نظمي وقته حسب ما بتشوفي مواعيد نوم الطفل يعني لو كان من النوع إلي بنام طول النهار و بسهر بالليل فأجلي الحمام لليل و إزا العكس فالأفضل يكون بالنهار

و على حد علمي الحمام بكون كل يوم

بتمنى أكون فدتك لو بالقليل و الله يقومك بالسلامة