المشاركة الأصلية كتبت بواسطة ملَك شادي

ايييه ومين بتزكر قدي؟؟؟
كان يوم مؤلم عنجد
وظروف السفر صعبة جدا
خرجت من البيت انا وامي الي سافرت معي عشان توصلني لمطار القاهرة لاسافر من هناك لعند زوجي
ولما خرجت كان الوداع مؤلم اخوتي يعانقوني وبيقولو ماتزعلي حنضل نحكي اي وقت عادي هي النت موجود
مواساةطبعا وهما كانت الدمموع في عيونهم
وبعدين ركبت انا وامي وابي
واحداث كثيرة وركبنا باص و ابي كان وقتها انتهت المسافةالي قادر يرافقني فيها
فعانقني في الباص وانا ابكيييييييييييييييييييييييييييييييييييي وبدي اموت من البكا
وهوة متاثر جدا لانو حنون كتير كتير ماشاءالله عليه ويوصيني واكتر شي بحسو مؤلم التوصية
لما يصير يقلي ديري بالك عحالك الله يوفقك ويسعدك يارب ويهنيكي مع جوزك
ثم نزل من الباص وضليت انظر لوجهه الحنون من الشباك وهو يودعني والدموع تملأ قلبه وعيونه والحزن يكسو وجهه والالم

وانطلق الباص انا وامي ثم تابعنا بالسيارة مسافة 7 او 8 ساعات
وطول الوقت نائمة في حضن امي وابكي وللان مستغربة من اين احضرت كل تلك الدموع
وصلنا وجلسنا في اوتيل وبرضو بكا بكا بكا
وارتحنا شوي ورحنا المطار
وماقدرت تكمل معي ممنوع يعني لحد معين
وطبعا قبلت ايدها وحضنتها وبكااااااااااااااااااء متواصل
واكملت الاجراءات والموظفين مستغربين وبيسالوني ليش ببكي هيك
لما ركبت الطيارة هديت شوي لانو كنت افكر في زوجي وهيك
ولما شفتو هان الامر شوي
وكان يوم غريب وصلت 4 الفجر
ثم ذهبنا منزلنا ويعني كنت اتفرج عالشقة وهيك
وكان زوحي كتير حنون
وتاني يوم لما صحيت حسيت بهول الصدمة زي تضارب
فرحانة عشاني مع زوجي وزعلانة عشان فارقت اهلي
فشوي اضحك وشوي ابكي
وزوجي ياحرام مش عارف كيف يخفف عني
ومشاعري لوصف احساسي اول ايام الغربة كبيرة وكتيرة ومافي وسع هون لاقولها
لكن الله يخلي زوجي متحملة كل اشي عشانو
ومرت الايام

وانحبسنا وماعدنا شفنا اهالينا
والله يفرجها

الله يسامحك والله كتبت الكلام وصرت ابكي زي كاني لسة الان فارقتهم

اسفة عالرد الطويل الاطول من الموضوع لكني نسيت نفسي

اشتقت لهم جدا
الله يفرجها
والله يوفقك مع زوجتك واولادك