صباح الخير اشكر كل الي علقو على موضوعي الله يكتب لكم الاجر والله اني في حيره من امري

زي ماقلتلكم عمي يرى ان كل حركاته هذي مزح وانا فعلا متأكده ان مافي باله شيء لانه كل ما قال لي شيء يحرجني يضححك مره على شكلي
وحتى الحركه الي سواها قعد يضحك بصوت عالي علي لما تغير وجهي
ياربي ما عرف كيف اوضح لكم اكثر
احسه يمون بقوه مايعرف وش يعني مزح جريء تعدى حدود المزح ومو حاس انه مسوي غلط وهو رجال عاقل مو من الشيبان المخرفين وله مكانته بين الرجال ودي احيانا تكبرالسالفه علشان يفهم ان المزح الي زي كذا مو معي انا زوجة ولده المزح ذا يكون مع زوجته وبس
بالنسبه لحريم عياله الثانين كلهم عايشين في مدن ثانيه ما يجون الا شهر بالسنه ويمكن اقل بس احنا الي عايشين بنفس مدينته
وبالنسبه للبسي قدامه والله على طول محتشمه وطرحتي على راسي دايم واذا رحت لهم فجئه وكنت لابسه بنطلون
ما افسخ عبايتي ابدا مع ان بناته اكبر مني وعادي يلبسون بناطيل قدامه بس انا مستحيل


الاخت عابرة السبيل ذكرتي في الرد ( كيف تزوجتيي ألم تستخيري ألم تسألوا عنهم )ااااااااااه والله ان هالكلام تعبني مره
زوجي يقرب لي ونعرفه زين ولما خطبني وتزوجته كان عمري 18 سنه فما صليت استخاره لجهلي ودائما اي مشكله تحصل بيني وبينه
على طول اتذكر اني ما استخرت قبل الزواج ولكن الان دائما اصلي واطلب من الله ان يسخره لي وان يكتب لي الخيره معه هو انسان طيب واحبه حب شديد وهو يبادلني نفس الشعور والحمد لله بفضل الدعاء علاقتي معه متحسنه كثثير عن اول صار فيه بيننا احترام اكثر
قاعده افكر الحين وشلون اوصل له الخبر من دون ما اصدمه لان هذا ابوه وزوجي يهابه ويحترمه واحسه لايمكن يصدق
الله ييسر
جزاكم الله عني خير الجزاء ولي عوده اذا استجدت الامور