اختي الغاليه ... مقدرة شعورك جدا وصدقيني تخيلت كل لحظه ذرفتي فيها دموعك الغاليه... لكن الحل موبالدموع والنحيب ..
اتمنى ان زوجك مايقرى ردي اولا ...
شفي يالغاليه في كتاب بينزل السوق قريب واتوقع اسمه البوصله في تحديد الشخصيه..
ربماتكون شخصية زوجك جنوبي غربي ... وهذا انسان تحركه العواطف بالرغم من حبه لكي ... ويحزني اقولك ان انتي ماتغيرتي هو ماراح يتغير ...
سلبيتك معه من البدايه غلط ... انا مااقولك راقبيه بس معليش لازم تكوني مصحصحه موتستني لين يجيكي الدليل لين بابك ؟؟
كثير رجال يفضلون المرأه قوية الشخصيه ولايفضلون الضعيفه ابدا قد يكون زوجك من هذي النوعيه ..
اول شي انتي ضيعتي حقك من البدايه .. لانك سكتي عنه وصدقيني اذا انتي ماعزيتي نفسك هوماراح يعزها .. طبعا الطلاق انا استبعده تماما لانك بهالحاله تقدمين للعشيقه زوجك على طبق من ذهب ... لكن حلاتها في حموتها من وقتها كان لازم انك تذوقيه المر وتعززي نفسك عليه لين يحس بغلطته ... هوماتادب لماانتي طحتي بين ايديه ... لكن هو اشفق عليكي وعلى حالك ... وفي المرة الثانيه زدتي الطين بله لما علمتي امك لانك علمتيها اوكي ... لكن ماوصلتي لاانتي ولاهي لحل ... فهو ماخسر شي وانتي رجعتي عادي...
اللحين اذا تبين رايي فبقولك شي ... غلط انك تكريه بخيانته وتذلينه فيها .. لكن لازم تعرفي هو ليه خانك ... ليه استمر في علاقه قديمه وترجاها تعود .. لاتقولين انك مومقصرة .. قلتلك ان ضعف الشخصيه له دور والتضحيه لها دور موكل الرجال يحبون المرأه اللي تضحي ويوفون لها .. واكبر دليل ان اكثر الموظفات اللي يغدقون ازواجهم بالمال هم اللي يتعرضون للخيانه او لزواج ازواجهم ... وممكن تسالي الشغالات اللي يرسلون رواتبهم وفي النهايه يرجعون يلاقون الزوج العزيز متزوج فيهم ... التضحيه للي مايستاهل اكبر غلط ...وكلامك فيه اكبر دليل انه مايستاهل لانه خانك بهديتك ...
لمايخونك زوجك لاتجين تواجهينه وتسكتين ... لاترخصين نفسك ... لاتواجهينه الاوانتي معزمه تادبينه ..طبعا بتادبينه لانك تحبينه لوماتحبينه كان من زمان انفصلتي .. جربي مع زوجك تتغيرين واعزمي على التغيير وشوفي اذا هو بيتغير معك اولا ؟؟
خليكي واثقه من نفسك اكثر ... ارمي اللي راح وراكي وافتحي صفحه جديده من كتابك وكتابه ... اذا تبينه يتغير تغيري انتي قبل غيري شخصيتك .. وجددي حياتك وتذكري دايم انك لازم تحبين نفسك اكثر منه واكثر من اي شي بالدنيا ...