موضوع حلو وكان عبالي اطرح موضوع مشابه
بصراحة انا بشوف انو النكد والزعل والحزن بكون في لحظات معينة فقط ومش طول الوقت
عالاقل بالنسبة لي
يعني اكيد الكل هيك
مابعتقد ابدا انو احنا بنصحا بنكد وبننام بنكد
الحمدلله بس الواحد بتنكد باوقات معينة
مثلا انا لما عرفت خبر حملي زعلت عشان اهلي مش جمبي
مثلا بالمناسبات السعيدة الواحد بزعل عشان اهلو مش جمبو
وبنيجي نفضفض هون
لكن ماهي الا لحظات واكون ناسية الحمدلله
يعني انا صراحة حاسة انا مزودين النظرة النكدية عنا الي بدخل بشوف مواضيعنا بفكر عايشين بنكد 24 ساعة باليوم
وهالاشي مش صحيح
بالنسبة لي الحمدلله انا مبسوطة ماشاءالله ومش ناقصني الا اهلي وقربهم بجانبي
غير هيك اموري حلوة
صحيح مافي اصحاب كتير ونفتقد اجواء الوطن
لكن عادي مبسوطين وعايشين بسعادة
حتى اني لسبب ظروف بلدي السيئة والغير قابلة انو نرجع نعيش فيها
حاسة بالراحة اني بغربة و لو قالو يلا ارجعي عبلادك مابقبل في الوقت الحالي بسبب الاوضاع البالغة السوء هناك
الكل هناك مش قادر يتحمل
اضافة انو الغربة بتخليني عايشة براحتي مع زوجي و بعمل الي بمزاجي وخالصة من تعلقيات وتدخلات الناس
فالحمدلله الغربة عاجباني رغم مساوئها
اما اللحظات الجميلة فهي كثيرة
يكفيني في اليوم لما يجي زوجي ويقعد معي ويكون جمبي ونكون متفقين ومافي بينا مشاكل
والمودة والرحمة والحب لايفارقنا
هاي من اجمل اللحظات الي بنام وبصحا في انتظارها يوميا
من اللحظات الجميلة يوم موصلت البلد واستقبال زوجي الي
كان لحظة بتجنن رغم انو كنت لسة بحط رجلي في اول يوم غربة
لحظات جميلة لما نطلع ننبسط في مكان
او لما زوجي يجيبلي هدية او وردة
او لما يترقى بالعمل او يحصل على مكافاة لانو يستحق الكثير بيتعب في عمله ماشاءالله
الحمدلله ماشاءالله لاقوة إلا بالله تبارك الله

فيعني كل لحظة اقضيها بسلام وهدوء نفسي وامان مع زوجي كافية لتجعلني سعيدة

بعض الاوقات الواحد بزعل من الوحدة او قلة الاصدقاء والاقارب
لكن سبحان الله كل شي مقابله شي
اهلنا بعاد عنا وعايشين لوحدنا لكن المقابل قربنا لبعض اكتر
ولو كنا بجانب اهالينا كنا حنكون مبسوطين بقربهم
لكن كان الوضع حيكون صعب من ناحية الشغل و الظروف السياسية السيئة جدا والظروف المادية كانت ستكون كذلك

اعتقد شو الفايدة اكون تعيسة في بيتي واروح ازور اهلي؟
يعني لو اكون سعيدة في بيتي واهلي جمبي والكل مرتاح مافي احلا من هيك
لكن المشكلة انو هادا عمرو مابيحصل
كل شي مقابله شي
راحة في بيتي لكن بعيد عن اهلي

قلة راحة في بيتي وبجانب اهلي
واعتقد لما الوحدة تتزوج الاهم والافضل والاولى راحتها في بيتها

لكن ياريت هالدنيا فيها الكمال الي نتمناه
كثير بتمنى اكون في وطني
والحياة جميلة
والظروف مستقرة
وعمل زوجي هناك يكفي لبناء مستقبلنا
واهلي بجانبي اروح انام عندهم وانبسط معهم
ويعني حياة كاملة
لكن برجع اقول معادلة ماعمرها تتحقق
كل شي مقابله شي

اسفة عالاطالة

لكن كنت ناوية اكتب موضوع هيك
لازم ننظر للجانب السعيد في غربتنا
بالنهاية انا بشوف الجوانب السعيدة اكتر من الحزينة
ومع الايام الانسان بصيرلو حياته وبتاقلم مع كل اشي
وتبقى لحظات الحزن او الهم تاتي من ان لاخر
لكن نحمدالله اننا بصحة وخير
وادعو الله تتحسن ظروف بلادي واعود اليها واحقق كل احلامي هناك بدون الحاجة للغربة

__________________