منتدى عالم الأسرة والمجتمع - عرض مشاركة واحدة

19-11-2008, 09:03 PM

q8lady

عضو جديد

تاريخ التسجيل: Aug 2005

المشاركات: 24

مشكلة ابني مع اللعاب

]السلام عليكم ورحمة الله وبركاته

مشكلتي مع ابني الوحيد .. واللي اهو اصلا خدج ( يعني مولود بالشهر السابع ) ..
الحين عمره 3 سنوات .. ومشكلته أنه للحين حلجه ( فمه ) أغلب الوقت مفتوح و يخر سعابيل ولعاااااااااب على طول . مثل الحنفية او المطر

. طووووووووووووووووووووووووووووووووووووووول اليوم لعاب ينزل من حلجه .... شكله اللعاب عنده زااايد

مشكلتي معاه انه ملابسه ناحية الصدر على طول مبللة من اللعاب اللي ينزل من حلجه ( فمه ) وانا اخاف عليه ياخذ برد فتلقوني باليوم أبدل ملابسه أكثر من 10 مرات

ماني ملحقة عليه باللبس ودي يكشخ ويلبس مثل باقي الاطفال لكن اللعاب دايما يتلف ملابسه و رحت لأكثر من طبيب اطفال وكل ما اسألهم اللي يقول لي من أسنانه .. رحت وعالجت اسنانه لأن كان بعض فيها سوس وتم خلع اسنانه الآمامية ( القواطع ) لانها كانت حيل تلفانة

واللي يقول لي من أذنه ( لآنه اذنه فيها ماء ) وتم علاجه ولله الحمدلله .. ومازالت المشكلة قائمة

واللي يقول لي من اللوزتين واللحميات .. هو فعلا عنده تضخم باللوزتين وفيه لحميات لكن مايشتكي منهم وايد . ومالهم علاج إلا اني استأصلهم بس أقول حرام

.فأسعفوني رحمة الله والديكم

شسوي معااااااااه علشان اتخلص من هذه المشكلة اللي مسببة لي أرق وتفكير طول اليوم بحالته .. خصوصا انه الآطفال بدأو يتمسخرون عليه ويضحكون عليه ومايحبون يعلبون معاه بسبب هالمشكلة [/size]