والله يا اختي ابوك نفس ابوووي باااااالضبط .. كل يبينا نكون احنا الزينيين واحنا اللي نسكت واحنا اللي نوجب .. وكل عنده مافي شي يضيع عند رب العالمين ..

امي كانت وايد تتضايق لانها في وايد اوقات ماتبي تحضر اعراس الاهل اللي ماوجبوها او تعزم حد ما عزمها من قبل بس ابوي كان راافض هالمبدأ من قلب ..

تصدقين عاد .. كانت علاقتنا ببيت عمي شبه منقطعه .. والله العظيم انه كل مره نتصل لهم ونوجبهم ونكتشف انهم ييون ويعلقون ويسبون ويطلعون .. ويقولون حق الناس احنا حالنا حال الغرب .. لكن من كثر ما كان ابوي يوجبهم ويجبرنا احنا وامي انه نوجبهم والله العظيم ماتدرين اشلون صارت العلاقة الحين ..

صرنا مب بس اهل الا صرنا جنا اخوان ... رايي من راي الوالد .. روحوا ووجبوهم واخذوا لهم هديه ولا تحسسونهم انكم زعلانين .. ولو صار وقالوا شي قالوا لهم احنا اهل ومافي داعي للرسميات بينا واذا ماوقفنا معاكم في هاليوم متى بنوقف ...

وان شاء الله الله ييسر الامور

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...