انصحك انك تعرفها على الطباخات عندنا في المنتدى ما شاء الله عليهم
او
تخليها تتفرج قناة فتافيت و انت معاها و تمدحلها في الأكل اللي يعرضوه على القناة و انا زوجي يعشق هذي القناة و أحيانا يطلب مني بعض طبخاتهم و يشتريلي الأغراض و يسألني طبعا ايش الطلبات مو من عنده لعنده لا انا احددله الكمية و المكونات
او
تشتريلها كتاب طبخ تعجبك الأكلات اللي فيه و تتصفحه مرة بالأسبوع معاها و تقول لها نفسي اذوق هذي الأكلة شكلها لذيذ بس أكيد من يدك يا ست الكل بتكون أطعم
لاااااااااااااااااااازم تشجعها و احذر من مجاملتها على حساب بطنك
يعني اذا اكلة عجبتك تطلبه كم مرة و كل مرة تقول لها والله يا ست الكل كل مرة اطعم من اللي قبل
و اذا ما عجبك الأكل لا تقول مو طعم او شين .... قول لذيذ بس لا تعيديها
و هي على طول تفهم انها ما زبطت او تحتاج تغيير في الوصفة
اذا احترق الاكل او فشلت الطبخة لا تحبطها عاد و تقول ما تفلحي في شي لااااااا ابدا لا تعمل كده
خذها بالهداوة و قلها اكيد الطباخه ست الكل نسيت شي في الطبخة أو المزاج مو رايق بس ماعليكي المرة الجاية تزبطيها اكثر ان شاء الله
اذا زوجتك من النوع اللي يحب الصحبة في المطبخ(لازم تسألها) لا مانع انك تساعدها و يطلع من ايدينكم أحلى طبخة و ممكن تخترعو طبخة تسموها باسم خاص بكم انتم و بس و حتى لو ما ساعدتها مجرد وجودك في المطبخ يسليها و يمشي الوقت و صدقني هذي حركات حلوة
لكن اذا متخاصمين انتبه من السكاكين
و النقطة الأهم اللي راح تعمللك نقطة تحول في مطبخ زوجتك و انا متأكده من النتيجة
امدح أكلة أكلتها عند صاحبك او جارك او سلفاتها(حريم اخوانك)-مع احضار عينة ان امكن- و ادعيلي
مع تحيات
طباخة
__________________
رب لا تذرني فردا و انت خير الوارثين
التعديل الأخير تم بواسطة dodi_dabdoobi ; 22-11-2008 الساعة 12:42 PM