اخواني واخواتي
اشكركم على تشجيعي لمصارحة زوجي بشتى الطرق
جزاكم الله خير
بصراحه كان ودي ابشركم و اقول انحلت المشكله بس ما ادري الحقيقه وش اللي صار
ما ادري هي انحلت ولا تعقدت
القصه ان زوجي اول مارجع من السفر حاولت فيه يفرش اسنانه ساعات يستجيب وساعات يطنش بس امس قبل ما ننام قلت له انت مافرشت اسنانك ؟ قال لا والله نسيت بعدين اليوم ماراح نمارس شي يعني مو لازم افرش
قلت له مو عشان كذا لازم تفرش انت لازم تفرش عشان صحتك وعشان فيه ريحه من فمك وممكن تكون من معدتك
رد علي برد غريب قالي يمكن !!!
بعدين قالي تدرين ان انتي اللي عندك ريحه بفمك مو انا !!!!!!!!!!!!!!!!!!!!!!!!!!!!!
انا هنا انصدمت .... قلت له انا معقوووووووووووووووول لا مو صحيح مستحيل
قالي الا والله وهذي الريحه اللي تشمينها ريحة فمك انتي واصلا ما تشوفين نفسك كل ما جيت ابوسك تبعدين يعني انتي داريه بمشكلتك !!!!!!!
قلت له مو معقول مافي احد يشم ريحة نفسه وانا اصلا ابعد عن البوسه بسبب ريحة فمك مو العكس وبعدين انت اذا صحيح شايف لي ريحه بفمي المفروض انك معلمني قالي خفت تزعلين
ويرجع يقولي ترى هالريحه منك
قلت له انت ما تفرش والانسان ما يشم ريحة نفسه
وهنا انتهى الحديث وسكتنا فجاه ونمنا
انا ما نمت بسرعه احس الدم ناشف بعروقي وحسيت اني برداااااااااااااااااااااااااااااانه وروحي قاعده تطلع ودي ابكي وماقدرت ابكي
يا اخوان انا امي الله يحفظها تهاوشني اذا سمنت او اذا ما كنت متعطره فما بالكم لو انها شامه ريحة فمي والله ما تسكت غير تهزئني مستحيل تسكت
والشي الثاني ان زوجي عنده مشكله بانفه حتى ريحة العطر ياللله يشمها يعني الشم عنده تقريبا 30 بالميه بس
والله ما ادري احس اني متلخبطه ومو عارفه اتصرف واتعامل معاه اليوم برسميه نوعا ما واحس اني احلم حلم شين و ودي اصحى منه
ساعدوني وفسرو لي اللي صار
احس راسي بينفجر والله
التعديل الأخير تم بواسطة احلى ايام ; 22-11-2008 الساعة 08:16 PM