يا حبيبتى يا دودى
انا بجد مش عارفه اواسيكى ازاى لأنى مريت بحالتك لما فشلت عملية أطفال الأنابيب معى
حصل معايا نفس اللى بيحصل معاكى بالضبط
أولا لازم تعرفى انك مكتئبة جدا واكتئابك ده هو الى عامل فيكى كده
انتى بتضخمى اى رد لزوجك هذه الأيام
تعرفى لو كان عمل معاكى كده فى اى وقت تانى كان هيبقى رد فعلك مختلف جدا وكنتى هتطنشى
أما هو فهو كمان متضايق جدا وحزين وبيقول فى نفسهطيب انا كمان عايز اللى يصبرنى ويداوينى وهى مش حاسه بي
انتوا الاثنين واقعين تحت ضغط جامد جدا جدا
هو عملى وبيصرف من وجهة نظر عمليه يعنى بيشوف طرق عمليه تخفف عنه الألم زى الخروج والأكل والجلوس مع الأهل
أما انتى فعاطفية وتتعاملى بمشاعرك فقط وهذا شيئ صعب جدا وعليكى تغيير طريقتك فى تحمل الألم وفورا حتى لا تتألمى أكثر
إفعلى مثله أخرجى زورى صديقاتك امرحى تكلمى فى التليفون اتفرجى على مسرحية مضحكة إبعدى تفكيرك عن موضوع الاجهاض والحمل وبعد زوجك عنك
اتقوى بنفسك وبارادتك
وفى حاجة مهمة جدا انا كنت بأعملها فى الظروف اللى زى كده وهى انى بالليل وبعد ما ينام زوجى كنت أجلس مع نفسى ومعى ورقة وقلم وأبدأ أكتب كل اللى مضايقنى وأبكى كثيرا جدا حتى أرتاح وأشعر انى غسلت نفسى من الداخل وبعدها أشعر برغبة قوية بالنوم فأنام وأنا منهكة لكنى مرتاحة نفسيا وأكرر هذا كلما شعرت بالضيق
لا تنتظرى من زوجك شيئ هذه الأيام فهو يعانى كما تعانى انتى صح هو لم يأخذ ابر ولم يتعذب فى عمليات ولكن هذا ليس سبب تعبك وزعلك أصلا فسبب تعبك وزعلك هو ان هذه الجهود لم تكلل بالنجاح وهذا هو سبب تعبه وألمه أيضا فهو أيضا حزين من أجلك ومن أجل نفسه
أرجوكى افهميه وافهمى نفسك وصدقينى كلنا مررنا بنفس حالك
عايزه أقولك على حاجة
وأنا بأكتب لكى ردى هذا كنت بأحفظ ابنى القرآن فجاءت آيه حسيت انى لام أكتبها لك فى ردى
( الله لطيف بعباده يرزق من يشاء وهو القوى العزيز)