السلام عليكم ومسائكم صحه وسعاده
انا الله يسلمكم من امس العصر وانا نفسيتي تعبانه
ما اضايق احد ولا اعصب .. بس احس داخلي مكسوررررر وكأني ودي اصيح... أتوقع لظروف الدورة لانها قربت تنزل
امس زوجي صايرله شي حلو بالشغل وكسب منها مبلغ حليوو
كلمني وانا عند اهلي وعلمني .. فرحتله والله كثير
امس اول مره انام قبل زوجي وهو لاحظ علي اني تعبانه شوي ... مو تعب بس شوية صداع
صحيت وهو طلع بدري لشغل .. ورجع الظهر تغدا والامور تمام
قال كم تبغين للعيد؟؟ قلت زي العيد اللي راح (مسويه خجلانه)
لما شفته مسوي مايدري زودت مررررررره قال لا لا تمزحين ماعطيتك كذا
قلت اجل افهمها ... المهم علمته باللي ابغاه وقلتله خلاص توديني السوق اليوم
قال تروحين لحالك لا
ليش يافلان ؟ عادي انا احيانا اروح لحالي ... الا اذا صاروا اهلي بيروحون رحت معهم
قال السوق فيه بلاوي ما ابيك تروحين لحالك .. روحي مع امك
قلت اهلي خلاص خلصوا مشترين كل شي ... بس انا صبرت لحد ما تعطيني ولانك قايل لي اصبري
واقعد اترجا فيه لما شفته كأنه مافي امل ... قلت خلاص تعال معي... قال ما ادري اجل مو اليوم
(( وانا عاااااااارفه انو مايحب السوق ويكره ينزل معاي ))
قلت والا خلاص اروح مع الشغاله وبنتي
قال اشوف ... بس ساعه وحده وتخلصين...!!
اتسوق للعيد ملابس لي ولبنتي بساعه؟؟؟
اصلا سوق واحد مايكفي
مارديت ولا بكلمه وكل هالتساؤلات كانت بقلبي
قلتله ... ليش تحب تضيق صدري.. خلني انبسط
قال انتي وش فيك خلاص قلت كلمه تسمعينها ......
طلع وخلاني
وانا اللي صبرت معاه على كل شي ... كم مره قريباتي يروحون للسوق واروح ما اشتري لانه قايل لي اصبري علي كم يوم
واليوم مدري وش فيه علي ... ماكان كذا
مو حاس اني متضايقه او مكدر خاطري شي......
بعد ماطلع بنص ساعه ارسلتله
انا احس قلبي مكسور ومحتاجه لانسان يفهمني من غير كلام ... ابكي عليه لين يطلع اللي بصدري
مرت نص ساعه مارد ولا شي
اتصلت عليه
قلت وصلتك رسالتي ؟ قال ايه ... قلت مارديت عليها <== ورب البيت بكل ادب وذوق .. مو زعل
قال وش تبيني ارد ؟؟ انتي ناويه على زعل ومشاكل وانا مو فاضي مشغول وعندي الف شغله
انا بعطيك فلوس ومبسوط وانتي تتزعلين وتتضايقين.. تشوفيني مبسوط من الموضوع الجديد وحاسدتني!!!
((الله اكبر)) حاسدته!! ماكأني انا اللي افرح لفرحه واحزن معاه!!
<=== كل كلامه هذا وانا ساكته
انتي وانتي وانتي..................
قلتله خلاص تكفى سكر يكفي تجريح وانا ماقلت شي....
قال اسكر ؟ وش تجريحه؟ انتي وانتي................................
عورني قلبي وعجزت اسمع كلامه لاني توقعت بيفهم اني محتاجه لكلمه طيبه
ماحسيت نفسي الا وانا مبعده الجوال من اذني
ويتصل علي ثانيه عجزت ارد.... لاني ابكي من قلب
ارسل : تسكرينها بوجهي يصير خير
رديت : ان الشغاله دخلت علي و رحت قفلت الباب
هذا كل اللي صار من ساعه .... ولا اتصل ولا اتصلت
من جد احس نفسي انجرحت من شخص كنت ابيه يحس فيني
........................................الله يسامحه
تم تعديل العنوان/ الاشراف