حبيبتي دوبي دبدوبي
هوني على نفسك يا حبيبة قلبي ليه الانهيار دة كله
انا طبعا مش هضيف جديد لكلام الاخوات ما شاء الله عليهم ربنا يزيدهم عقل و ايمان
لكن بس هأكد على كلام ام جومانة ما شاء الله عليها نفذي كلامها بالحرف و انت الكسبانة و زي ما قلتلك مش هتخسري حاجة
يا حبيبتي جوزك منهار اكتر منك لكن صعب اوي على الراجل انه يظهر ضعفه لأنه راجل مين اللي قال ان اللي عمله معناه انه بيكرهك 000 بالعكس انا شايفة انه منتهى الحب بس هو مش قادر يشوفك في الحالة دي و الاكتر من كدة هو مش عارف يعملك حاجة
و ليه النكد اللي انت حاطة نفسك فيه دة و ليه مسلمة عقلك للشيطان مين قال انه هيتجوز عليكي لو عاوز بيبي و السلام كان اتجوز من زمان لكن هو علشان بيحبك عاوز البيبي منك انت
ليه تبصي للجانب السلبي فكري في الموضوع بشكل ايجابي 000 ليه الاستغراق في الحزن كدة 000 ليه تسيبي نفسك للشيطان ؟
يا حبيبتي قومي اتوضي و صلي ركعتين لله بنية تفريج الكرب و تخفيف الغم و الهم و جهزي احلى غدا ( بتعرفي تطبخي و لا لأ ؟ ) و انزلي اعملي شعرك و اعملي مكياج زي يوم عرسك و البسي احلى قميص نوم عنك و اقعدي استني جوزك بحب و شوق و حرارة
اوعي تتكلمي معاه في شيء مر و عدى اعتبري النهاردة اول يوم جواز و تناسي كل اللي فات
و نصيحة من اختك الكبيرة ( الراجل مش بيحب النكد و بيهرب منه و خصوصا لو كان من حد بيحبه اوي )
خليكي انت مصدر السعادة و الراحة في البيت دة دورنا و ربنا خلقنا قادرين على كدة
اوعي تفتكري اني بقول لك كلام و السلام 000 بالعكس انا حاسة بكل كلمة بتقوليها و ربنا الاعلم انا تألمت علشانك اد ايه
يللا استعيذي بالله من الشيطان الرجيم و اوعي اوعي اوعي تسيبي بيتك مهما حصل و حتى لو عاوزة تريحي اعصابك فعلى الاقل بلاش تروحي لمامتك في الظروف دي لان دة هيكبر الامور و مش هيحلها
ربنا يريح بالك و يفرج كربك
آسفة على الاطالة
__________________
يارب يا رافع سبع سموات بغير عمد ويا من رزقت مريم دون أن يمسسها بشر ووهبت زكريا بعد الكبر يا من أمره بين الكاف والنون وإذا أراد شيئا قال له كن فيكون ارزقني بذرية صالحه طيبة تقر بها العيون