شوبارد الله يوفقك لكل مايحب ويرضى ..
ماشاء الله عليك أهنيك على طيبة قلبك وحبك للخير ..
أختي كلنا في هالدنيا نعاني ونتألم وتكوينا الجروح وتاكلنا الهموم ..
كلنا نتمنى الستر ونتمنى نكون سعيدين ..
لكن هل الهموم والالام والاحزان مبرر لأني أتبرج ولا أدخن ولا أكلم شباب ..مافيه شي يبرر المعصيه ..
ولو أخطأنا لازم نعترف بين أنفسنا ونتوب مو نبرر ..
أجل ليش فيه جنه ونار .. مستحيل الصالح والطالح بيكونون بنفس الدرجه .. وحاش لله أن يظلم خلقه مثقال
ذره .. اللي يعمل خير بيحصد خير واللي يعمل شر بيحصد شر .. وكل انسان في هالدنيا ماادام بالغ
وعاقل ومكلف خلاص تمشي عليه الحسنات والسيئات بحسب عمله واخلاصه وتقواه وبحسب رحمة الله
به ..
كلنا نغلط ومافيه شخص كامل في هالدنيا .. لكن تقصير عن تقصير يفرق ..
يعني لو دليتيني على صديقتك لشخص أعرفه وبعدين اكتشفنا انها تدخن ماراح نسامحك إذا كنتي تعرفين
هذا زواج ومافيه مجامله واللي تحبينه لنفسك واخوانك حبيه لغيرك ..
الدخان في مجتمعنا للبنت شي كبيييييييييييير ومانرضاه .. ويالله ياكريم تحفظنا والمسلمين ولاتبلانا ..
وتعافي المبتلين ..
انتي الآن وقفي مع صديقتك بالنصح والدعاء لأن هذا حقها عليك .. ووضحي لها انك تتمنين انها تتزوج اليوم
قبل بكره بس ماتقدرين تذكرينها لأحد وهي تدخن وتعاكس وتتبرج تبرج فضيع ..
النبت الطيب يظل طيب حتى لو عانى من الظروف .. ولو أخطأ فإن خطأه لايدوم .. ولو أخطأ فإنه يقر بشناعة
خطأه ويحاول التغيير ..
شوفي اختي الصلاح مايستنى زواج ولاغيره .. لأن فيه بنات ماتزوجو وعافين انفسهم عن الحرام خوف من
الله وفيه متزوجات ممكن ممكن يطيعون الشيطان ..
معنى كلامي أن الشخص يحاول اصلاح نفسه وماينتظر زواج يصلحه .. لأن من يضمن ..
الله يصلح حالها ويهديها ويغنيها بحلاله عن حرامه ويرزقها الصالح من خلقه ..
شوبارد استمري في نصحهها ولاتجاملينها صارحيها وفهميها انك عارفه كل تصرفاتها وانك تحبينها وتتمنين
لو تتزوج اليوم قبل بكره بس ضروري تبدا تصلح نفسها وترى الدعاء والتوبه والاستغفار والصدقه لهم سحر
عظيم بإذن الله ..
ماقصدي اوقف بطريقها والله ودي تتزوج .. بس ماودي بعد لو عرف أحد أنها تدخن بعدين يدعون عليك او شي
وهم اللي مستأمنينك ..
الله يوفقكم ويوفقنا ويفرج كربنا وكربكم ..
التعديل الأخير تم بواسطة جــ الأيام ـ ; 02-12-2008 الساعة 02:08 AM