السلام عليكم ورحمة الله وبركاته

تزوجت وعمري 19 سنة من رجل لايرى التلفاز ولايسمع الأغاني يعني من البيت للمسجد والعكس
تخللت حياتنا بعض المشاكل ولكن حبي له جعلني اغمض عيني عن اي شئ
انجبت 3 اطفال ومر على زواجنا 4 سنوات
اكتشفت احيانا انه يسألني عن اشياء تكلمت بها في الهاتف مع زميلة اوقريبة وعندما يحس انني مندهشة يقول لي انه حلم بكذا وكذا واحيانا يقول لي اشياء احس انها خرابيط بس مادري كيف اعرف؟؟؟المهم كلمت زميلتي في العمل فقالت لي ابحثي في البيت ( أنا ساكنة مع اهله) اكيد وضع جهاز تسجيل مكالمات !!!! صعقت وما توقعت يسوي كذا المهم كنت متأكدة اني ماراح القى بس كنت ابغى اثبت لنفسي ولزميلتي
لكن وجدت الجهاز وبكيت لغبائي واستغلاله ولحبي له وثقتي فيه
المهم بعد اسبوع علمت وحدة من اخواته وراحت معي وشافت الجهاز
طبعا انا تهاوشت معه ورحت اجازة لاهلي في الصيف بعدين رجعت قعدت اغير ترتيب غرفتي وافتشها لقيت جهاز التسجيل شغلته ابغى اسمع لقيته الغبي مسجل نفسه ولامسح التسجيل انصدمت زوجي يغازل بنت بالهاتف ويحلف انه اول مرة يكلم ويغازل وانه يبغى يسولف معها وووووو من هالخرابيط
امهم فاتحته بالموضوع وتهاوشنا وحاول يلصقها باخوانه ويحلف بالله انه نش هو قلت له ممكن تكذب باي شي الا صوتك اطلعه من مليون صوت اذا اخواتك يخلطون بين اصواتكم انا اعرف صوتك المهم بعد كذا طلعنا لحالنا ببيت وحملت
المهم قام يعتذر وانها اول واخر مرة
من حبي له او غبائي صدقت وعشت معه مع العلم اني قدمت نقل لاهلي وتمت الموافقة عليه وكل شي خلاص
بس ضعفي هوحبي له خلاني الغي النقل
بعد 4 سنوات جاء النت واكتشفت انه يدردش مع بنات وتهاوشنا وتاسف وحلف انها اخر مرة
المهم بعده بسنة اكتشفت ارقام في جواله وكلمت لقيتها كلها لحريم وبنات وبعضهم متزوجات ؟؟؟؟ واكتشفت انه على علاقة من سنتين معهم وبعضهم من الامارات ويمارس الجنس معهم على الهاتف او النت؟؟؟؟
ماتدرون كيف انفجعت؟؟؟؟
المهم قررت اتركه واطلب الطلاق وفعلا قلت له ابغى طلاقي ويومها كان معي 4 اطفال بس كرهته لاني كلمت البنات وقالوا وش كان يقول لهم من غزل وعبارات حب بعكسي انا المحرومة ودايم يقول لي ما اعرف اتغزل او اقول كلام حب؟؟
وانفصلت عنه لمدة شهر في البيت وكنت مصممة لكنه دخل شخص آخر ملتزم بيني وبينه واصلحنا على بعض طبعا بشروطي كاملة
المهم الحين انا اكره زوجي ولااحبه واحس تجاهه بازدراء شديد واحس انه مش رجل بالاخلاق والصفات لان الرجولة مش في النوم وبس بالعكس الرجولة شهامة وكرم
الحين كل ما اسمع كلمات غزل من رجال في السوق افرح واحس اني انثى وايضا اصبحت لااغض نظري مثل الاول بالعكس اصبحت امتع نظري كل ما رأيت رجالا وسيمين
ارجوكم احس اني واقفة على بحر متلاطم الامواج ماني عارفة وش اسوي واخاف من السقوط ؟؟؟
المشكلة اننا الان مع بعض عادي ينام في غرفة وانا باخرى يمكن مرة بالاسبوع ياخذ حقه الزوجي وبس بدون كلام حب بدون غزل بدون رومانسية مع العلم اني لوقال لي كلام حلو اشتعل من داخل لاني اتذكر كلامه للعاهرات
ماذا افعل ساعدوني؟؟؟؟

drawGradient()

مع العلم بشهادة الجميع واولهم زوجي اني ملكة جمال ولاتقولون ماتهتمي بنفسك الوقت هذا مافيه زوجة ماتركض وراء الموضة عشان نفسها وزوجها وزميلاتها