وعليكم السلام ورحمة الله وبركاته

اجابتي انا على السؤال الأول :
- لا يعنيني امر والديها نهائياً لأن امر الطلاق ليس امراً شاذاً وغير موجود في هذه الدنيا فهو من الأمور الفطرية الموجودة في الحياة مثله مثل ... الوفاة ... النوم ... الأكل أو اي شي اخر فهل من الممكن ان نجد شاباً يرفض الارتباط ببنت ابوها أو أمها متوفية ... أو يقول والله البنت ماتصلح لي امها وابوها ينامون بالليل ويصحون بالنهار والا يكون سبب رفضه يقول هذي عائله شاذه اكتشفت انهم الصباح أول مايقعدون من النوم يسوون فطور واذا جاء الظهر تغدوا وبالليل يووووووه تصدقون يتعشون ...
- اما طلاقهم بأنه بعد 35 سنه زواج هذا هو النكته صراحه والنكته الأكبر اذا واحد بيرفض الارتباط بالبنت عشان ابوها وامها تطلقوا بالسن هذا واقول نكته لأن بالسن هذا مفروض الشيبان يهجدون ويركدون وبصراحه اللي ماراح ينظر للموضوع هذا انه تخريف شيبان وبينسحب ويكون هذا مبرره لعدم التقدم لهذه البنت يكون غبي غباء مدقع ولا هو حسوفه ....
على فكره انا اخذ الموضوع بروقان لأنه ماهو موضوع حساس ولا شي ولأني تعرضت للشي هذا ....
الوالد متزوج ثنتين امي الأولى وبعدها وحده المهم قبل كم سنه طلق امي وصار يجلس عند الثانيه قعد كم شهر كذا وبعد كم شهر قلت لأبوي وأمي الحين بعد كل هالسنين وتختمونها بطلاق انتم وش تبون من بعضكم ... عيال ولا عاد بتجيبون عيال تربية عيال ولاعاد بتربون اصغر عيالكم رجال الا اثاريهم كل واحد وده بس اي واحد يدقه سلف لكن مالقوا من يكلمهم ويوم كلمتهم واضح انهم ودهم بالرجعه بس المشكله لازم عقد جديد ومن بكره الا وابوي مكلم خالي ومسوين ملكه انقهرت انا قلت اخخخخخخ كان مفروض يكلموني قبل عشان اروح اسأل عنه واشوف كم بيدفع لي مهر بحكم اني اكبر عيالهم بس ما امداني ..... المهم بعدها بسنه يمكن طلق الثانيه وقعد فترة كم شهر واروح وامسكه على جنب ورجعتهم لبعض .... انا ليش اقول لك كذا .... عشان ابين لكم ان الكبار طلاقهم ممكن يكون بدون سبب او سبب تافه والرجعه اسهل مايكون بس يبون من يكلمهم .