اقتباس:
اختي الحبيبة والرقيقه جدا جدا ربيع الحياة
انا حاسة بيكي جدا والله بس انتي لم ترتكبي اي خطاء في تصرفاتك لذلك لاتحزني ابدااااااااااا
والحمدلله ان حماتك طيبة في حموات تانين الله يبعد عنا وعنك عمايلهم
ونصيحتي ليكي مش كل موقف بسيط كده تعتذري عشان متعملهاش حماتك زعله
انتي مغلطيش خالص وطبعا يكفيكي حب زوجك وانه متأكد انك بتعطيها حقها
وبعدين خلي بالك انتم لسه مش متجوزين حاولي تخلي العلاقه سطحيه عشان
متحملكيش فوق طاقتك بعد الجواز
ربنا يسعدك يا حبيبتي ويهدي سرك
|
يا سلام انا ربنا راضي عني ان اول واحده ترد عليا حبيبتي زوجة احمد
ربنا يخليكي ليا يا حبيبتي والله كلامك ريحني وفعلا اعتذاري لها تعبني اكتر من كلامها لكن انا عملت كده علشان اخلص من المشكله لانها مشكله تافهه وكل اللي مضايقني اني بقالي معاها خمس سنين معقوله لسه معرفتنيش كويس لكن الحمد لله انتي زي ما بتقولي انا اخواتي الاتنين الاكبر مني متجوزين أخين يعني عندهم نفس الحماه واختي الكبيره من كتر عمايل حماتها فيها راحت لدكتور مخ واعصاب وتعبت والله بقول الحمد لله على الاقل هي طيبه وبتحبني مش مشكله بس انا كنت متغاظه ومحتاجه احكي لحد ومحبيتش حتى زوجي ملاحظ اني زعلانه رغم اني بحاول اضحك واهزر علشان ميلاحظش لكن هو قالي انا عارفك وحاسس ان ماما ضايقتك وانا طبعا أنكرت وكذبت عليه وربنا يسامحني بقى لكن اللي مريحني ان زوجي حاسس بيا قوي وحاسه زي ما يكون مكسوف مني علشان مامته
ربنا يخليكي ليا يا حبيبتي بجد اناحاسه انك فعلا اختي اللي دايما بتعقلني شكرا ليكي قوي
__________________
( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))