حياك الله شيهانة وكل عام وأنتم بخير وسعادة
لالالا تقلقي ولاتشيلي هم صدقيني أنتٍ تحسستي لانك بعيدة عنهم وتحسين بالذنب
بس لو كنت معاهم صدقيني بتضربيهم على هذه المشاكل
تعرفي أنا عندي نفس مشكلتك وكمان اسمه عبدالله وذكي وعبقري وهذه العبقرية اللي كرهت أخوانه فيه
لأن تفكيره غير عن تفكيرهم ويبغى الناس يمشوا على تفكيره الغير مفهوم بالنسبة لهم علشان كذا يصير الصدام بينهم
لاتشيلي هم بكرة يكبروا ويصيروا متماسكين ومتحابيين أكثر والله يبشر أختنا حرف بالجنة على البشارة الحلوة
وفعلاً أنا نفسي كنت أتخاصم مع أخواني وأخواتي ومانحب بعض وبعد ماكبرنا وتزوجنا الحمد لله صرنا متماسكين لدرجة ماتتخيليها ونوقف بجنب بعض في أصعب المواقف ومانتزاعل أبداااااااااااااااا مهما كان
وكل واحد يحب الخير للثاني ونناصح بعض إذا شفنا أحد على غلط ومانزعل من النصيحة وأولادنا ولله الحمد متاحبين مع بعض
فريحي بالك تلاقيهم يلعبوا وأنتِ شايلة هم الأن
وماعليك لما يزورونك إلا تغرقيهم بالكلام على حب بعض والتماسك وتخلي كل واحد يفتح قلبه أمام أخوانه وكل واحد يعرف اللي مزعله من أخوه ويتصافوا
ويارب يقر عينك بصلاحهم وبرهم وابشري بكرة بيكبروا بإذن الله ويفتحوا بيوت وتسكني معاهم وعندها حلي مشاكل أحفادك.