[quote][حماتى يانينه دلوعه عليا
بسم الله ماشاء الله ممكن أحسدك خدى بالك أنا معنديش حمى
شيئ يقهر ياأختى الحاجه متوفيه من 9سنين
خطيبى يتيم الام
كــــــــــــــــــان نفسى يبقى عندى حمى لكن الله يرحمها يارب
حبيبتى أنا طبعا أمــــــــى حمى لأن أخواتى والدين متزوجين
بصراحه زوجة أخويا الكبير بنحبها كأنها أختنا والله وماما بتحبها يمكن أكتر منى أنا واختى
عشان مرات أخويا مريحاها على الاخر
بتيجى تقعد معاها وتتكلم ومن النوع اللى مابيزعلش يعنى لما ماما تعاتبها ولا حتى تتدلع عليها زى حماتك
مابتزعلش خاااااااااااالص بتفضل تعتذرلها
وخلاص لذلك أمى متعلقه بيها وبتدعيلها ياسلام من الدعاوى اللى قلبك يحبها
لكن زوجة أخويا التانى
اى موقف اى كلمه اى حرف تعملها حكايه وروايه ومشاكل وادى اخر مشكله عملتها بسبب ان ماما بتعتبها براحه بتقولها انا تعبانه وانتى عند اهلك وجالى دكتور فى البيت ولا تحاولى تقوليلى ألف سلامه 4 أيام
كان ناقص زوجة أخويا تقوم تضرب ماما
وحصل مشاااااااااااكل ياما ياما بسببها لأن كل عتاب من ماما لازم بعدها مشكله مع مرات أخويا دى
لذلك أنتى كده صح جداااااااااا وأفضلى كده طول عمرك حتى لو هتيجى على نفسك معلش
والله أنا أختى كانت زيك كده وزى مرات أخويا الكبير
مات ابو زوجها وهو بيدعلها وأيضا ام زوجها مايته فى حضنها تخيلى وبيحبوها جداااااااا
لأنها كانت بتراوضهم زى الاطفال وبتتحمل كلامهم التقيل اللى بيزعل وبطلعه من دماغها وقلبها عشان عارفه انهم بيحبوها
بس هرجع تانى واقولك زى أختى زوجة أحمد انتى لسه ماجوزتيش بردو يعنى مش شايفه أن الاختلاط القوى ده مش لسه بدرى عليه أنا والله بس خايفه عليكى
خففى شويه من المكالمات والزيارات أنتى لسه بردو بعيده عنهم
بعد الدخله حاجه وقبلها حاجه تانيه
ربنا يوفقك يارب ونجوز أحنا التلاته سوا
أنا وانتى وزوجة أحمد
/quote]
يا عيني يا ليلي فعلا حماتي دلوعه عليا يا حبيبتي كلامك مؤثر جدا انتي عسل وكلامك عسل وكنت هعيط لما قلتي
وأيضا ام زوجها مايته فى حضنها تخيلى وبيحبوها جداااااااا
ياااه اختك دي جميله قوي والله يا حبيبتي انا بجد نفسي اوصل لكده تعرفي انا بحس اني مش بعامل مامة زوجي كده علشان خاطره بس لكن حاسه ان حبي لاهله جزء من حبي له واني بخاف عليهم زي اهلي وبفرح جدا لفرحهم وبزعل لزعلهم
والله يا جميل انتي شجعتيني قوي اني اتحمل ربنا يخليكي ليه ,انتي وزوجة احمد عندكم حق انا دخلت معاها زياده قوي لدرجة انها متوقعه مني حاجات كتير لاني عودتها على كده ولان بنتها مبتساعدهاش في حاجه ومدلله جدا
لكن انا هتحمل صحيح ان زعلها وحش لكن في الاخر بتهدى ومبتشيلش جواها لكن اكيد انتي زي ما انتي مرتاحه من المشاكل لكن اكيد انا حاسه بيكي كان نفسك يبقى ليكي حماه 
يالله الله يكون في عونا جميعا ويارب انا وانتي وزوجة احمد نتجوز فعلا مع بعض لكن مش في نفس اليوم امال ازاي هنحضر فرح بعضيارب والله انتو بجد اخواتي ربنا يخليكو ليا ويخلينا لبعض
__________________
( إِذْ قَالَتِ امْرَأَتُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي ۖ إِنَّكَ أَنْتَ السَّمِيعُ الْعَلِيمُ (35))