شوفي اختي بالنسبة للحبوب الناس كتير عندها تعميم
أولاً هذه الحبوب لها أنواع مختلفة و انتي بتقدري تاخدي نوع مضمون أكتر من غيره و تحافظي على أخذ الحبة بموعدها و مع رضاعة ابنك احتمال الحمل ضعيف جداً جداً
اسم الحبوب Cerazette
خلي الطبيبة توصفلك ياها و خديها بانتظام
يا أختي لو كنتي بترضعي البيبي بشكل كامل معتمد عليكي ممكن ما تحتاجي أي وسيلة تمنيع أول 6 شهور فما بالك باستخدام الحبوب مع الرضاعة
انا كنت برضع ابني صناعي + طبيعي و بستخدم الحبوب و ياما نسيت آخد الحبة و والدة بقيصرية يعني لازم كتير احتاط و الحمد لله مع كل هذا ما حصل حمل
طبعاً هذا مو قاعدة لكل النساء لأني ممكن يحصل عند وحدة اباضة و غيرها ما يحصل طبيعة جسم سبحان الله
لكن أمر علمي مدروس و معروف انه الرضاعة اذا كانت كاملة و ابنك او بنتك بتشبع منك و ما بتاخد غير حليبك فالرضاعة كافية لمدة ست شهور
الآن انا عم بقلك مع كل هذا لا تعتمدي على الرضاعة خدي معها حبوب
و بالذات حبوب ال cerazette مضمونة أكتر من غيرها لأني لو تأخرتي بالحبة مو مشكلة كبيرة متل غيرها من باقي حبوب البروجستين التي تعطى للمرضعات
ثقي بكلامي و توكلي على الله
لكن اعملي بكل الاحتياطات خدي الحبة كل يوم بموعدها و اضبطي الموبايل على موعد الحبة كل يوم مشان ما تنسيها
و بإذن الله ما بصير حمل اتطمني
و لو رب العالمين أراد لك الحمل ستحملين لو استخدمتي كل وسائل المنع مع بعض هههههههه
إرادة ربك اقوى من كل اختراعات الانسان
الله يشدك بالعافية و يخليلك البيبي يا رب
__________________
.
.
استودعتك أهلي في سوريا يا من لا تضيع ودائعه