ياحبيبتي يا ألماسة
راح أغبطك على الأجر اللي بتاخذيه من رب العالمين على الصبر ..
تصدقي يا ألماسة ..
ولأول مرة في حياتي راح أقول لها ..
أحيانا تمر علي فترات أكون فيها كئيييييييبة
وشوي شوي الكئابة تقلب ليأس .. وبعدين لفتور .. وبعدين لمرض لأني أصير لا اكل ولا أشرب
وبعدها أصير هزيلة ... وجسمي مرهق .. ووجهي باين عليه التعب
وزوجي يحس ويبدأ يسألني خير إن شاء الله .. وإحيانا يصر عليا أروح المستشفى أسوي تحاليل لأنو شكلي باين عليه
التعب
ولا أقول له إيش السبب ..
والسبب يكون الوسواس اللي داخلي بيني وبين نفسي ..
دائما داخلي خوف إنو زوجي راح يموت(الله يحفظه من كل شر) .. وأحيانا أجلس أبكي خايفة عليه .. وأحيانا
أصير كل مابعد عني أتصل عليه وأخترع إي موضوع عشان أطمن وبس ..
.. مرات أقول عين .. او سحر .. أو أي شي من هذا النوع
لكن أنا بأعطيكي الطريقة اللي ريحتني ..
صرت كل ما حسيت بهذا الإحساس أذكر الله وأستغفر .. أستغفر كثيييير لدرجة أحيانا من كثر الإستغفار أحس
لساني نشف .. وموية البحر ما ترويني ..
وأحيانا أجلس أدعي ... أدعي ربي كتييير إن الله يحفظ زوجي .. ولو مرة ضايقة أبكي مع الدعاء .. وبعدها سبحان الله
أرتاح .
وأهم شي يا ألماسة حاولي تشغلي نفسك بأي شي .. مارسي أي هواية تحبيها ..
طبعا وما أوصيكي وأنتي ماشاء الله ما تحتاجي توصية .. الرقية والقران ..
أنا والله داومت على الرقية وماء زمزم فترة وبعدين تركتهم .. كسل وربي لكن لازم بإذن الله أرجع لهم .
الله يحفظك وزوجك وأولادك من كل شر ..ويرزقك الذرية الصالحة ..