أبي كرهني بالزواج.
السلام عليكم ورحمة الله وبركاته
طلبت منه يخطبلي بنت عمي وانا في الجامعه وبأخر سنه استهزأ بي واستخف بالامر وانا مادري على بالي ابوي اللي انا منه بيهتم فيني اكتشفت بعد 3 شهور انه مافكر بالشي ذا نهائيا لمى سألته وش قلت رايك بالموضوع ؟ قال اي موضوع ؟ قلت الزواج ! هههههه ضحك وقال ايه يصير خير وطلع.
لحيت عليه كثير كثير كثير ,,,, وهو يقول بعدين وبعدين وبعدين تعقدت و هبط مستواي الدراسي وهو لاحظ الشي هذا وقالي شد حيلك وخلص وابشر بالخير >>> ابدعت ولكن كذب علي مع اني ذكرته وانكر.
تخرجت وانا محطم وكاره و كل هموم الدنيا فيني ,,,, سبب اول الزواج والثاني تعامل ابوي مع فلذه كبده انا,, صارلي 22 سنه وتوني اكتشفت كم هو جشع و مايستاهل الواحد يحبه.
تعينت بوظيفه زي الحلاوة والحمدلله وكلمته والرجال ماهمه بالعكس يقولي خل تفكيرك اكبر وفكر بالابتعاث والحرمه جايه جايه قلتله كيف؟؟ انت وعدتني ؟ قال خلاص جبلي قبول وانا اخطبلك قلتله انت تحلم ماراح اجيب شي ,,, بعدها بشهرين فجأه خطبلي خطبه اي اي اي اي كلام وتمشية حال وبدال مايقول مبروك قالي ها الحين تجيب لي قبول بالجامعات عشان تروح تكمل دراسه.
صحيح اني تشجعت شوي وحاولت و اشتغلت شوي ,,, قلتله كيف الخطه الحين قال مادري بس جبت قبول ؟ قلت لا قال وش مأخرك ؟ قلت ولا شي بس حاب اعرف موعد الزواج عشان اتحمس قال مافي شي الحين ,,,, حاولت اجيب ابتعاث وماقدرت وهو على باله حاجه مثل شرب المويه.
صارلي سنه بشهر 11 وانا خاطب ولا اعرف موعد زواجي فقررت اني اظبط غرفه وحمام واحط ابوي بالامر الواقع ,,, استلفت واخذت قرض وقمت اظبط والعمال جايين ورايحين والحمدلله ابدعت بالغرفه والحمام وانا بعز فرحتي يجيني يقولي وين القبول ؟ اااااه مايقدر يقول خله يستانس بشقته وتوه شباب مقبل عالزواج مايحس.
فجأه قالي وقف شغل لاتكمل وجيب لي قبول ,,, قلت صعب والله صعب عجزت قالي خلاص,,, حاولت وللحين مافي شي ,,, طبعا الفلوس ,,, يقول اذا ناقصك شي قلي وانا ماقصر معك,,, اجي اقوله ناقصني مثلا 1000 يقول ليش؟ ماعندك راتب ؟ في ناس مثلك فاتحين بيوت وعندهم عيال وانت لحالك تضيع كل الفلوس ,,, يخلي الواحد يندم يطلبه ,,, صارلي سنه ماطلبت منه يقول غريبه ماتبي ؟ اقول لا عندي وانا فقران بس مايستاهل الواحد يطلب منه.
صارلي سنه و شهرين خاطب ولا اعرف متى عرسي,,,, اموري بالوظيفه زفت لان النفسيه مو تمام تعبانه كثير,,, الراتب يجي بتاريخ 25 ويخلص بتاريخ 26 من كثر الديون,,, وابوي مو حاس مو حاس مو حاس مايدري وش بنفسي وش ناقصني ويشوفني اظبط شقه مايجي بباله ابي العرس لا يقول وين القبول.
وربي كرهته وكرهت زوجتي وكرهت العرس,,,, الله لايرزقكم بمثله,, قولوا امين وادعولي بالفرج.
__________________
سبحان الله وبحمده ,,,, سبحان الله العظيم