اهلا ملك والله انى تعاطفت كثيرا مع رسالتك لانها فكرتنى بنفسى اما ولدت بنتى وكمان لانى حامل فى الشهر التامن واتمنى ان لا اكرر اخطائى فى رضاعة ابنتى مره اخرى انا كنت مثلك تماما مش عارفه البنت شبعت ولا لا بعد الرضاعه ومش عارفه ا ذا كان اللبن مناسب ليها او لا وغير كده ان كنت متألمه جدا فى الرضاعه وهى كانت ترضع كل نصف ساعه وانا مش عارفه ده جوع او دلع..استمر يمكن اسبوعين الوضع ده وبعدين اما ذهبت الى الدكتور ووزنها قالى ان وزنها مناسب وان ده كله طبيعى بالنسبه لسؤالك علامات الشبع عند البيبى كمان انه يتبرز مره او مرتين فى اليوم لان لبن الام سهل الهضم جدا عند الطفل وكمان وانتى بترضعى تبصى على رقبته لاحظى اذا كان بيبلع او بيمص بس ..ولبن الام فى جميع مراحل عمر الطفل مناسب له وكل ام تنتج الكميه المناسبه لطفلها هى.. سبحان الله يعنى لبن الام اما الطفل يكون عنده شهر غير اما يكون عنده 6 شهور لانه بيكون اتقل واكثر دسامه وده طبيعى يعنى من عند ربنا..ولكن كل ام لديها ما يكفى طفلها اما المأكولات اللى تدسم اللبن ده مش صحيح لان اللبن لا يدسم الا بأزدياد عمر الطفل وزياة قدرته على الهضم ولكن فعلا الحلبه انا قريت كتير انها تدر اللبن وتزيد كميته وكلما رضعتى اكتر يزيد انتاج اللبن فى صدرك..وممكن تشفطى اللبن من صدرك بين الرضعات ..ده الكلام اللى قاله الدكتور وكمان اى رضعه صناعى هتعود الطفل على المص السهل لان الرضاعه الصناعى اسهل من مص الطفل لصدر امه فيكره الرضاعه الطبيعيه وتكون اصعب ...واصبرى يا حبيبتى ربنا يخليلك البيبى كلها كام شهر وتدخلى له الاكل الصلب وترتاحى شويه ..اسف للاطاله..اتمنى ان اكون افدتك

__________________

	اللهم انشر بينى وبين زوجى الموده والمحبه وابعد عننا الفسق والنفاق وسوء الاخلاق