منتدى عالم الأسرة والمجتمع - عرض مشاركة واحدة - ممكن كل وحدة تقول طريقتها في غسيل الملابس
عرض مشاركة واحدة
قديم 27-12-2008, 10:19 PM
  #17
سمو الأميرة
موقوف
 الصورة الرمزية سمو الأميرة
تاريخ التسجيل: Sep 2006
المشاركات: 2,454
سمو الأميرة غير متصل  
اقتباس:
المشاركة الأصلية كتبت بواسطة *الماسة* مشاهدة المشاركة
شكرا لك ياأم لجين على الموضوع المفيد


بصراحة انا بغسل الأبيض طبعا لوحده وبستعمل مثلك صابون الوزير المبشور


وبستخدم تايد واريال مع بعض مثل ماقالت امك الله يحفظها واخليه تقريبا نصف ساعة أو أكثر شوي

وفي الشطف بستخدم الكمفورت ......أول مرة اسمع انه له اضرار على الجلد....غريبة


لكن الموية الحارة موكثير بستخدمها لأن كثرتها بتعدم الملابس حسب مادرست في الكلية

وتخليها تنشف كثير وتتقطع مع كثرتها....ممكن وسط أقرب للباردة

تقدري تنقعي الملابس اللي مرة اتوسخت من شوكلاتة وغيره في الموية الحارة بس غسلها دايما بالحارة لا

المناشف نستخدم موية حارة في البداية لكن في الشطف موية عادية

الكلوركس مااستخدمه إلا نادرا لأنه بيصفر الملابس البيضا مع الوقت

اممممم اش كمان...........


ايوا والملابس الملونة الغامقة الأسود/ الكحلي/ الأحمر العودي/ وغيره.....حاولي تغسليه بصابون سايل

أفضل لأنه التايد والأريال بيبانو على الملابس مثل النقط البيضا زي النمش ....فاهمتني


الملابس اللي فيها لبان بتغسليها بموية بااااردة وممكن اذا صعبة بتفركيها بقطعة ثلج


عموما الملابس القطنية مع كثرة غسلها بالموية الحارة بتنكمش بدون ماتلاحظيها

والأصواف عموما ماتتحمل الكلوركس نهائي

وبصراحة اتفاجأت من الملح الخشن كانت الدكتورة تجيبه في الكلية وتجيب معاها قطع ملابس فيها بقع صعبة مرة

ولما نفركها بالملح الخشن ماشاء الله تروح شوي وبعضها تختفي نهائيا

سامحيني طولت عليك بس هذا اللي انا بسويه في طريقة غسيلي لأني درستها في الكلية

فيه كتب كثير ياأم لجين توضح لك كيف تتخلصي من بعض البقع الصعبة وكيف تزيليها

إن شاء الله بأكتب لك عنها .....لكن نسيت وين حطيتها




بارك الله فيك ياعسل







تحيـــــــــــــــــــــــــــاتي
أهلييين يا ألماسة

بالنسبة للكومفورت للبشرة الحساسة ماينفع .. أنا وبناتي وزوجي بشرتنا تتحسس من العطور

عشان كدا ما أستخدمه.. لكن أحيانا أشتريه وأستخدمه لكن في النادر

والله جزاكي الله خير نبهتيني على الموية الحارة .. يعني رأيك أخليها وسط ؟؟

شكلي راح أخليها أقرب للدافية ..

وأكثر البقع اللي أعاني منها والله يا ألماسة هي الحبر ..

ما أدري البنات ماصارو حضراتهم يكتبو على الورق . لا . يكتبو على ملابسهم ..

والمشكلة ما يطلع فرحت وأشتريت مستحضر خاص بس بالحبر .. وما يطلع كل أنواع الحبر .. لا

أنواع وأنواع ..

تسلمي يا ألماسة منتظرة الباقي

وأكثر شي أحتاجة طريقة غسل الثياب البيضة حقت الرجال

صراحة أنا أغسلها وإلى الان مو عارفة كيف أتقن غسيلها .. يعني أحس لونها مو زي وهيا جديدة

أغسلها عادي بالوزير وبعدين بالتايد .. ولوحدها ما أحط معاها شي

بس بعد فترة ألاقي الثوب لونه يتغير ..

شووكرا على المرور يا ألماسة