أزيكم يا بنات وحشتونى ويارب تكونوا كللكوا بألف خير ......أنا الحمد لله عملت أشعه الصبغه والحمد لله كل شئ سليم ومفيش أنسدادات الحمد لله ولا التصاقات والرحم سليم وكل اللى عندى شويه التهابات مهبليه .....الحمد والشكر الله كنت خايفه موت من الاشعه لدرجه انى مانمتش قبلها بيومين من كثر ما سمعت انها مؤلمه جدا ولما جيت احجز بالبنج قالولى مفيش دكتور بنج اليوم ........قلت أسيبها على ربنا وهدخل واستحمل الالم أخدت بسحقنه (بسكوبان) قبل ما ابدأ الأشعه والحمد لله والله ما حسيت غير بدخول الشئ اللى بيفتح المهبل ...لكن بعده لم أشعر بأى ألم لدرجه ان الطبيب لما خلص مكنتش مصدقه انه خلص
صدقونى اللى يرمى حموله على الله ما يخذله أبدا..........يارب يطمن قلب كل البنات زى ما قلبى أطمن
أهلا بالاخت (المصريه) و(mego) ويارب يكون وشنا حلو عليكوا وتحملوا بأذن الله
اختى (دودى دبدوبى) والله فكرتك حلوه أن كل واحده تكتب ملخص عن حالتها جميله جدا لان انا من الجدد وماأعرف متثر عن الصديقات القديمات سوى من الردود ياريت نعملها كلنا