يالغالية .. أبيج تسمعين كلامي وتاخذينه بصدر رحب .. وابيج تعرفين كل اللي نقوله هو لمساعدتج انتي

يالغالية انتي ما مر على زواجج اكثر من خمس شهور واستغرب اننج تركتي عش الزوجية بهذه السرعه .. وين الصبر على الابتلاء ..!!!!

ثانيا .. غاليتي انا اعتقد المشكلة هي انكم لين اللحين ما استوعبتهم بعض .. او وصلتوا لدرجة الانسجام والتفاهم وهذا شي طبيعي سببه قصر الفترة اللي عشتوها مع بعض .. والرجال رغباتهم غير عنا ياعزيزتي .. وكافي انه يقولج مشتاااق ومحتاجلج .. بغض الننظر عن طريقته في الكلام او اسلوبه .. هو محتاج محتاج

انا اشوف كأول خطوة لازم تسوينها انج تردين لبيتج وابدا لا تفكرين تطلعين منه .. هذا بيتج ومملكتج .. وانتي اميرة فيه
ثاني شي .. من كلامج عن ريلج .. احسه متعلق جدا جدا جدا بوالدته .. والمفروض تستغلينها كنقطة لصالحج مب ضدج .. يعني وافقيه بكل اللي يقوله وبريها قد ما تقدرين .. وحاولي تظهرين له ولها حبج لوالدته .. مب تمثيل .. لا .. لكن فعلا حاولي تعتبرينها كوالدتج .. وصدقيني راح تتقبيلينها بعيوبها وبمحاسنها ..

انا اشوف انه مشكلة ريلج .. هي تعلقه بامه .. وخوفه انج توقفين قدامها من اكبر مخاوفه .. لذلك يحرص انه يذكرها في كل محفل .. وانتي حاولي تريحينه من هذا الجانب .. وقوليله كلمه "حاضر" لكن في وقت الجد ولما يجيبهم بيتج .. صدقيني ما راح يقولج اللي لازم تسوينه .. هي مسألة ارتياح لكلا الطرفين واستيعابكم لبعض..