اقتباس:

المشاركة الأصلية كتبت بواسطة المصرية بصــــــــــــى ياأختــــــى : أنا من النوع الحنين شويه يعنى لو شوفتهم ممكن أعيط عشانهم وأقصد الاطفال خاااااااااااصه حتى لو كان شكلهم شرس لأن فى منهم بيتهجموا وممكن تشد سلسله او شنطه او الموبيل لو فى أيدك حرميه يعنى اما الكبار فى السن لو فعلا فقراء بعطيهم وخاصه السيدات لكن الرجال بخااااااااااف منهم بصراحه وربنا يجعلنى من أهل الزكاه وحب الصدقات يارب لأن الله أعطانى قلب رحيم ولله الحمد وكمان ياأختى فى ناس طبعهم بيحب ياخد اللى مش فى أيده حتى لو مش محتاج أفتكر وانا صغيره وزى ماذكرتلك انا طبعى طيب وحنين بزياده مره بنت معايه فى المدرسه فضلى تحكلنا مشاكلها وهى عايشه مع عمها وابوها مسافر ومامتها متوفيه وفضلة أعيط على حالها وكنت دايما أديها حاجات من عندى وهى تاخد وانا مكنتش بعرف أهلى عشان مايمنعنيش ومره طلبة منى خاتم دهب وادتهولها ولما ماما أخدت بالها ان الخاتم ناقص سئلتنى خوفت أكذب وحكتلها كل حاجه وأنا أصلا فى مدرسه خاصه وكل اللى فيها ناس أغنيه يعنى مش فقراء ولا حاجه ووالدى راح لمدير المدرسه وكانت حكااااااااااااااايه يعنى فى ناس بتحب التسول وعندهم بالتسول عمارات ومسااااااجد تخيلى

يا الله يا حبيبتي انت زيي بالظبط..
فعلا أنا كثير عيوني بتدمع علشانهم..
وخصوصا الأطفال.. ومبقدرش أمسك نفسي..
وبضطر أديهم..
لكن المشكلة اللي بنسمعه..
عن ان الاطفال دول بيكون وراهم عصابات,,
للأسف!!

وساعات أبرر لنفسي وأقول ان النبي عليه الصلاة والسلام لم يرد سائلا قط..
وأقول لنفسي خلاص هو ونيته..
والله مرة وحدة شافتني قريب من بيتنا وقالتلي قصة وهمية..
والخلاصة ان ابنها تعبان وبيموت وانها مش شحاته لكن حصل معاها ظروف صعبة
ومحتاجة تجيب لابنها العلاج.. وتحلفلي انها أول مرة تمد ايدها..
وانا طبعا اديتها كل اللي معايا.. في النهاية اكتشفت انها نصابه..
لما شفتها بعد فترة .. وجت تألف عليا قصة مشابهة..
لا حول ولا قوة إلا بالله..

مرة سمعت من قريبة لنا .. بتشتغل في احدى المصالح
الحكومية.. ان وحده كانت يوميا تقريبا بتروح وساحبة معاها بنتين صغار..
وحالها يصعب على الكافر..
فكانت تصعب على الموظفات وكل وحده تطلع لها اللي فيه النصيب..

لغاية ما في يوم كشفتها وحده من الموظفات كانت في نادي ولقت الست دي
بتجري في التراك..
هي استغربت من الشبه الكبير.. قالت أكيد وحده شبهها..
لكن فوجئت لما بعدها بشوية شافت معاها نفس البنتين!!
ولابسين ومتشيكين..
راحت مسكتها وهزأتها ,, فالثانيه قالت لها خلاص أنا مش حاجي مرة تانيه
عندكم بس الله يخليكي مش تفضحيني .. لان صاحباتها كانوا قاعدين معاها
في النادي..

يعني فعلا منهم اللي باني عمارات وفلل من فلوس الشحاته..

لكن صراحة في أطفال والله يكونوا بيبيعوا مناديل وغيره.. واذا اديتيهم فلوس زيادة ميرضاش
أبدا .. فعلا دول بيصعبوا عليا.. وبحس فيهم بالتعفف وعزة النفس..
وبيكونوا فعلا يستاهلوا المساعدة..

والله المستعان..

__________________

((إن تكونوا تألمون فإنهم يألمون كما تألمون وترجون من الله مالا يرجون))