منتدى عالم الأسرة والمجتمع - عرض مشاركة واحدة

15-01-2009, 02:18 AM

nouga masria

عضو متألق

تاريخ التسجيل: Aug 2007

المشاركات: 1,391

أحلي سويسرول من نوجا

أخواتي بمناسبة مشاركتي الألف في منتدانا الجميل حبيت اقدم حاجة مميزة

وعملت سويسرول النهاردة وطلع تحفة فقلت لازم أنزله في المنتدي

ويارب يعجبكم

المقادير :

5 بيضات , كوب سكر بودرة ,كوب وربع دقيق ,ملعقة بودر , فانيليا

الطريقه زي الكيكة الاسفنجية بالظبط الصور توضح

نخفق البيض بالمضرب مع الفانيليا (انا ضفت كمان بشر برتقال ) وبعدين بعد شوية نضيف السكر

ونخفق جيدا لحد ما يتقل الخليط

بعدين نضيف الدقيق والبودر وكمان ذرة ملح (دي من عندي لأني من خبرتي مع الكيكة الاسفنجية لقيت لما نضيف لها ذرة ملح تطلع احلي )
نبطن صينية طويلة بورق الزبده ونصب الخليط فيها

(انا هنا عملت جزء بالشيكولاته)

نحطها في الفرن المسخن قبل البدء
لمدة 7 دقايق (طبعا لازم تتاكدي من سواها بس اهم حاجه ما تسيبيهاش كتير علشان ما تبقاش مقرمشة لانها رقيقة)

نقلبها ونفك ورق الزبدة

نسيبها تبرد خالص مع تغطيتها بفوطه مبلله قليلا للحفاط علي ليونتها

نجهز كريم شانتي

ونسيح شيكولاتة (اللونين ابيض واسود) مع قليل من الزبدة والحليب

نخلط نص الكريمة مع الشيكولاته البيضا والنص التاني مع الشيكولاتة السودا

ونفردها علي الكيكة ( طبعا الخليط الابيض علي كيكة الكاكاو والعكس)

نلفها بالراحة علشان ما تتكسرش لو اتكسرت شوية مش مشكلة لما تجمد هتبقي كويسه
ونلفها في بلاستيك ونحكم اللفة كويس

نسيبها في التلاجة لحد ما تتماسك انا سيبتها ساعة وما قدرتش اصبر اكتر من كده

ودي بعد التقطيع

وده بقي الشكل النهائي

طبعا طعمه يجنن والحشو بتاعه لذييييييييذ جدا جدا

مستنية رأيكم في السويسرول بتاعي

__________________

اللهم بارك لي في زوجي وفي ابنتي واجعلها ذرية صالحة

التعديل الأخير تم بواسطة indienne ; 15-01-2009 الساعة 10:18 AM السبب: تعديل روابط الصور