يا حبيبتي يا مصرية والله يا بنتي انتي شايلة الهم كده ليه
الموضوع ابسط من كده ان شاء الله والحياة الزوجية اسهل من كده
انتب بس ما تقعديش توهمي نفسك ان الموضوع كبير وان انتي لازم تتعلمي كل حاجة علشان تكوني زوجة صالحة
حبيبتي الزمن والمعاملة والعشرة كل ده هوه اللي بيعلم
ولما تتجوزي هتقابلك حاجات كتير قوي ومواقف كتير وكله بيتحل ان شاء الله وبيعدي
اهم حاجة انك تكوني متفتحة وصبورة وعاقلة
وانا شايفة من كلامك انك كده ما شاء الله
( بس انا ليا وجهة نظر ياما هنسمع كلام يزعلنا ولازم نسكت وننسى مع الوقت)
وكلامك ده بالذات يبين انك واعية
بالنسبة لزوجك انه بيحكبلك علي كل حاجة
واضح جدا انه طيب زياده عن اللزوم و كمان بيتصرف علي طبيعته قوي مش بيحاول يداري حاجه
هيه دي ميزة بس طبعا مش كل الكلام اللي يتقال
لازم تفهميه انك ممكن لو استمر كده تكرهي اهله فهميه انه مش كل الكلام اللي اهله يقولوه يجي يقوله لكي
وكمان الكلام اللي انتي تقوليه مش يروح يقوله لاهله
لان ده ممكن يخلق مشاكل كتير انتوا في غني عنها
مصرية الكلام ده لازم يتنفذ قبل الجواز لان بعد الجواز الحال كده مش هيمشي اي حاجه تحصل تتحكي ما ينفعش
بس حاولي تكلميه من باب انك بتحبيه وبيحبي اهله ومش عايزه مشاكل وهوه ان شاء الله يتفهم
وبالنسبة للكلام اللي بيزعلك قوليله انك زعلتي شوية من الكلمة علشان يفهم ويفهم اخواته انهم ما يكرروش الكلام اللي بيدايقك تاني
ما تكتميش في نفسك وتحلفي انك ما زعلتيش
لا لو سألك قولي الحقيقة علشان الموضوع ما يزيدش عن كده
يلا بقي طولت عليكي بس معلش رغاية بقي
__________________
اللهم بارك لي في زوجي وفي ابنتي واجعلها ذرية صالحة