انا مع اختي أم داليا
لازم ياقلبي تغيري استراتيجيتك في التعامل معاهم
لا تكوني ضعيفة خلي لك شخصية وقناعات خاصة بيك وبحياتك وبتربية أولادك
ايش يعني شغالة تتحكم في تربية أولادي ؟
اذا اهل الزوج تدخلوا في التربية زعلنا واتضايقنا فمابالك شغالة ؟
لا ياقلبي لازم تتغيري ، لازم تفرضي شخصيتك وقوانينك
انتي اللي تمشي حياتك مو تكوني ضعيفة وتخلي غيرك يمشيها
اكلمك من واقع تجربة
معروف انه الوحدة اول ماتتزوج لازم يكون لها خط سير واضح مع اهل زوجها عشان ماتسمح لاحد انه يتعداه
في هذا الموضوع تعجبني كثيراً آراء أختي مهرة ماشاء الله عليها تبارك الله
اتمنى انها تدخل موضوعك وتفيدك بتجربتها بهذا الخصوص
احسها والله اعلم تعرف تمشي حياتها صح ، تعرف هي ايش تبغى ، وتعرف كيف تخلي الكل من اهل زوجها يحترم قراراتها ورغباتها في تمضية حياتها وفي تربيتها لابنها سلطان الله يحفظه ويحميه
وكل هذا بأدب واحترام ومن غير تجريح أو اهانات
لازم الوحدة تكون لها شخصيتها ولها كيانها
مو عشان احب زوجي وابغى حياتي تمضي بسلام اقوم انسى نفسي واضغط على نفسي واجامل اهل زوجي على حساب صحتي
مايصير ياقلبي بيجيك يوم وتنهاري
لازم الوحدة تعيش حياتها مرتاحة ومبسوطة
عشان نفسها اول شي
وعشان زوجها واولادها لانها لو ماكانت مرتاحة فهذا راح ينعكس سلباً على زوجها وابنائها
وماراح تقدر تعطيهم شي ولا تقوم بواجبهم بالشكل اللي يرضيها هي كأم
حبيبتي .. فكري كويس في كلامي
وقلبي معاك والله
ربي يفرج همك وييسر أمرك وينولك كل اللي تتمنيه