حبيبة قلبي
طمنيني بس هنفرح بيكو امتى؟؟
شوفي بامانة انا هقولك رايي بصراحة
{اوعى تزعلي ياقمر}
زوجك عنده مشكلة كبيرة وهي انه بيحكي خصوصياته مع اخواته ليكي
وخصوصياتكم مع بعض لاخواته
ماينفعش يحكي حاجات بتحصل بينكم لان صدقيني الرجالة دول اوقات بيقولو كلام كدا بحس انهم متنومين مغناطيسي
يعني ممكن يحكو مواقف هما شايفين انه شيء عادي جدا انها تقال
مع ان احنا بنبقى شايفين ان دي حاجات قمة في الخصوصية وماينفعش تتقال اصلا
انا شخصيا زوجي كان فيه الحكاية دي كل حاجة يقولها بتلقائية
مرة اكلمه بالهدوء ومرة بدلع و150 مرة ازعل
والحمد لله الان بطل
التلقائية دي
بس ظهر عنده عيب تاني هيموتني
الزهايمر
انبهه مثلا انه مايحكيش موقف ما امام اشخاص معينين
ماشاء الله عليه مطيييييييييييييييييييع جدا جدا
واول مانذهب للناس والله نص ساعة والقى الزهايمر اشتغل
ويحكي كل شيء نبهته انه مايحكيه
بس انا اخترعت طريقة حلوة جدا بيني وبينه عشان انبهه
اول ماحس باعراض الزهايمر على جوزي
اقول
شفتو ياجماعة بيقولو ان الزهايمر بدا يظهر عند الشباب وخصوصا هذي الايام{طبعا عيني على زوجي والكلام من بين الاسنان}
طبعا هو فورا يعرف انه خرب الدنيا فيضحك
ويرد علي بس لازم الاطباء يشوفو حل
حبيت احكيلك موقف طريف عشان تعرفي ان اغلب الرجال عندهم التلقائية دي
وعشان اضحك القمر شوي
انا شايفة ان افضل حاجة المصارحة والكلام بصراحة
اقعدي معاه وكلميه بهدوء وبوجه بشوش انه ياريت حياتنا واسرارنا ومشاكلنا ومواقفنا لاتتعدى باب بيتنا لاي شخص مهما كان
وماتزعليش مني رجاء انا بجد بعتبركم كلكم اخواتي
وماحدش يقولي اني بقويها على زوجها لا والله ربنا وحده عالم بنيتي
صدقيني الموضوع دا لو ماوضعتيش النقط عالحروف من البداية له هتدخلي في مشاكل كبيرة
انتي مش حاسة بالعيب دا لانك لسة مخطوبة ومواقفكم مع بعض برضومهما كان بسيطة لكن بعد الجواز هتبقو مع بعض علتول
وكما اخبرتك مافيش افضل من المصارحة بلطف وهدوء وحب
وربنا يخليكم لبعض