السلام عليكم ورحمه الله
اختى دودى دبدوبى لا تحزنى حبيبتى لكل شى علاج وأن شاء الله تجى مرميس وتطمنك بأذن الله بس انتى خلى نفسيتك كويسه حاولى تشغلى نفسك بأى شى وأن شاء الله ربنا بيطمنك
والله حبيبتى كل ما تحصل لى حاجه أحس انى خلاص فيا شى الحمد لله ربنا بيطمنى وبيكون شئ بسيط وله علاج
الشهر اللى فات قبل أشعه الصبغه بعد ما طلبها منى الطبيب قلت أكيد القنوات فيها شئ او مسدوده وعشان كده لم يحدث حمل الى الان ومن كتر تفكيرى كنت واثقه ان القنوات فيها شئ وفكرت فيما بعد هعمل ايه عمليات بقى او مناظير وتعبت نفسيا جدا .........وبعد كل ده الحمد لله ما طلع فيا أى شئ لا سدد ولا غيره
شوفى حبيبتى أزاى رحمه ربنا واسعه وكل لما الكرب بيزيد علينا ونحس أنه خلاص ......الحمد لله الفرج بيجى بعده
وعموما حبيبتى لا تتعبى أهلك وتحكى لهم وتتعبيهم على الفاضى وبعد كده بتلاقى حاجه بسيطه بأذن الله لا تكتئبى أو تبكى فوضى أمرك لله
تعرفى أنا الشهر ده وبعد الاشعه كنت منتظره الحمل بشده وكنت متوقعه انه يحصل ولما جات الدوره أتصدمت واحبتط وبكيت بشده لدرجه انى انتظرت لما زوجى يروح الشغل صحيت من كتر خنقتى وبكييييييييييييت كتير وبعدها سلمت أمرى لله مبقتش قادره احكى لحد لانى بدأت أشعر بمظاهر شفقه عليا من أهلى فبقيت مش بحكى أى شى ولا حتى ببين حزنى لزوجى مع انى بكون بتقطع من جوايا بس عشان مزعلهوش هوه خليكى قويه ولا تحكى وبتلاقى ربنا حلها من عنده
وحاولى ما تبينى لزوجك حزنك .....حاولى تجعلى شكوتك لله كلميه وفضفى معاه و ابكى صدقينى بترتاحى بعدها
رددى دائما (ربى لاتزرنى فردا وانت خير الوارثين) وأستغفرى وان شاء الله ربنا يجعلك مخرج من همومك بأذن الله