انا بحيلكم قصتي ...

انا متزوجه من ثلاث سنوات وفي بداية زواجي كنت على نياتي اعامل خوات زوجي بطيبه كانهم خواتي ماكنت اعرف حركات بعض الحريم كنت عايشه قبل زواجي في بيت ابوي وما اعرف عن مشاكل خوات الزوج كثير
المهم بدت المشاكل منهم والغيره كانوا يسمعوني انا وزوجي لما نضحك او لما نطلع مكان وكانوا بنفجرون غيره .. مادري ليش ؟؟
وبديت اسمع الكلام اللي يجرح منهم واحيان ارد واحيان اسكت وزوجي ماكان يعرف
وقلت في نفسي اهم مو احسن مني انا في الطيب اطيب منهم لكن في النذاله اكون انذل الناس
وصرت قدام زوجي امدح في خواته واقول والله حبوبات وكان يصدقني واحيانا اصير ابكي عنده واقول انا احبهم بس اهم يعاملوني بقسوه لكن والله انا احبهم ومهما صار ماراح اكرهم وزوجي صدق كلامي وصار مايسمع اي كلمه منهم ولايصدقها واذا قالوا شي له رد عليهم وقال انا عمري ماسمعتها تسبكم الا انتم دايم تسبونها حرام بنت مسكينه
وذا ريحة بالي وصرت اذا رحت لهم وسمعت كلمة تجرح ارد وقلبي بارد ولا افكر فيهم واذا راحوا يشتكون لزوجي مايصدقهم
وكذا ريحة بالي وحافظت على حياتي
...