منتدى عالم الأسرة والمجتمع - عرض مشاركة واحدة - زوجي قرر مايكلمني شهر (حُلت و الحمدلله )
عرض مشاركة واحدة
قديم 22-01-2009, 12:33 PM
  #1
بسمه حنونه
عضو جديد
تاريخ التسجيل: Dec 2007
المشاركات: 28
بسمه حنونه غير متصل  
زوجي قرر مايكلمني شهر (حُلت و الحمدلله )

--------------------------------------------------------------------------------

السلام عليكم ورحمة الله وبركاته


الحقيقه اليوم واجهتني مشكله وحبيت اخذ رايكم فيها وكيف اتعامل معها

في البدايه ابي اوضح لكم اني قبل 9 شهور من الان اكتشفت ان زوجي يكلم وحده وصراحه ماصبرت واجهته على طول واعترف واعتذر وقبلت اعتذاره وانتهت المشكله
لكن بقت ثقتي فيه
فكنت احاول استعيدها عن طريق متابعتي لجواله بدون علمه والحمدلله خلال هالفتره ابد مامسكت عليه شيء

لي اكثر من شهرين ما افتش جواله احس خلاص تاكدت انه ماعاد يكلم

لكن اليوم الصباح اتصل عليه رقم ومارد الصباح واحنا نايمين بس بعد الاتصال صحينا

عادي ما اهتميت
لما صحينا ساللت زوجي من اللي اتصل عليك قال مدري مكتوب ابو فيصل وانا ما اعرف مييييين

هنا شكيت
رجعت للغرفه واخذت الجوال لقيت المتصل ابو فيصل وكان منه رساله وزوجي ماسحها
شكيت اكثر ليه مارد عليه وليه مسح رسالته

اتصلت على الرقم ابي اتاكد من جوالي طبعا ردت حرمه
هنا انصدمت ماعاد اقدر اتحمل
طبعا سويت نفسي غلطانه وقفلت


وللاسف رحت عند زوجي اواجهه مره ثانيه انكر وانا مصره انها حرمه قال هاللحين بادق واذا طلع رجال ماتكلميني لمدة 45 يوم
طبعا انا متاكده انها حرمه قلت خلاص دق على الرقم ورد رجال واسمه ابو فيصل وسولف معاه شوي وقفل الخط
كيف وش السالفه مدري

وقال يللا اطلعي بره ولا حتى تكلمني
ومين سمح لك تفتشين اصلا بجوالي ولا بعد تتصلين على ارقامي من وراي اللي يعطي الحرمه وجه غلطان
انا ادري اني غلطت لما واجهته لكن صار اللي صار

بالله وجهوني كيف اتصرف احس الدنيا ضاقت فيني

هل ارجع واكذب اقول انا اصلا ما اتصلت لانه احس انقهر لما قلت اني اتصلت اتاكد وقال هذه اللي عرفت ععنها اكيد تتصلين على اخوياي اللي بالجوال علشان تتاكدين وانا مدري عنك

المشله لي قبل فتره حلمت حلم وفسرته انها مشاكل وشده تواجهني وكنت حريصه اني مايصير اي زعل بيننا لكن اليوم لما سمعت صوت الحرمه نسيت كل شيء



وانا اخاف انه يرجع لهالمكالمات بعد موقف اليوم لانه اكيد بيتصور اني محاصرته ومراقبته ويبي يثبت ان مافي شيء بيمنعه مع ان لي فتره ماعاد امسك جواله بس اليوم بعد اجابته الغريبه
ارجوكم ساعدوني كيف اتصرف معه

التعديل الأخير تم بواسطة cutiepie ; 24-01-2009 الساعة 09:29 PM