بسم الله الرحمن الرحيم

أختي العزيزه شوووق

من حقك أن يفضفض لك خطيبك عن الذي في صدره مثل ما أنت تفضفضين له. لكن أقول هذي المسأله تبي وقت وصبر منك , صحيح أنك صابره ومقدره ظروفه لكن طولي بالك عليه أكثر.

ومن الواضح أن خطيبك مضطرب نفسيا ( تقريبا مثلي) لذلك يكون متردد في ذكر ما يضيّق صدره لأي أحد حتى خطيبته الي هي أنت .

لكن إذا صرتي دايم تفضفضين له وتتكلمين له عن جميع مشاكل حتى الي في أيام الطفوله, وإذا واجهتك أي مشكله كلميه في وقت مناسب بأسرع ما يمكن وقولي له عليها وقولي له أنك تبين رأيه ومشورته وإذا قدرتي تبكين وأنت تشتكين له يكون أفضل ( حاولي تتغصبين البكى)

ولا تقولين له فضفض لي أبدا , إلا إذا سمعتي صوته مهموم فقولي له وقتها "ممكن تشركني معك في الهم الي شايله "

ولا تتشكين منه كثير عشان ما يزهك ويطفش لأن حالته سيئه

ومع الوقت إن شاء الله يلين ويبدأ يطلع الي في صدره لك شوي شوي.

ونقطه ثانيه ما دام أنه متزاعل مع أمه فحاولي أنك في مكالماتك له أنك ما تمدحين أبوك وأمك . عشان ما يتضايق ويتذكر معاملة أمه له

لكن إذا صار لك مشكله مع أحد والديك لا قدر الله قوليها له حتى لو كانت بسيطه . عشان يحس أن فيه أحد قريب من حالته شوي.

ونقطه أخرى : أنت ذكرتي أنه آخر مكالمه له معك قالك "أنت الوحيده الي فيك الخير وتسألين عني" وهذا يدل على أنه يحس أن ما فيه أحد مهتم فيه.

وأعرفي أن طلعات خطيبك مع أصدقائه للترويح عن النفس وتغيير الجو المظطرب الي هو عايش فيه ومهوب أنه يعزهم أكثر منك, أما معاملته السيئه لك فهو يفرغ شحناته وعصبيته فيك مهوب لأنه يكرهك لا لأنه يحبك ولا فيه أحد قريب منه غيرك .

فحاولي أنك تتحملينه أكثر وتذكري أنك عايشه وسط أهلك وهو المسكين عايش وحده , أنت صحيح تحملتي وصبرتي لكن خطيبك يستاهل تضحيات كثيره منك خصوصا أنك عارفه وضعه زين.

و أسال الله أن يؤلف بين قلوبكم



تحياتي