حبيبتي sa33
والله مشكلتك دي احزنتني جدا جدا
ربنا يكون في عونك
بس ليه يا اختي انتي مستحملة كل ده لوحدك
لازم تتكلمي مع اهلك وتفهميهم ظروف حياتك يمكن لو حد منهم اتكلم معاه يقدر يقنعه
صدقيني العيشة اللي انتي عايشاها دي وشدة الاعصاب هتتعبك
لازم حد من اهلك يتدخل
وكمان اهله هما فين لازم كمان يتدخلوا
مش معني انك عايشة بغربة انك خلاص لوحدك مفيش حد يدافع عنك ويجيب لك حقك
وسامحيني يا حبيبتي واضح جدا انك سلبية وطيبة زيادة عن اللزوم
اعتقد انك اللي عودتي زوجك انه يعاملك كده
لانك بكل سهولة قبلتي اذلاله لكي العمر ده كله من غير ما يبقي ليكي ردة فعل توقفه عند حده
انا مستغربة انتي ازاي متلهفة علي الخلفة كده منه يعني اذا كان هوه مش عايز !!!!
ولا انتي شايفة انك لو حملتي تاني ممكن يتصلح وربنا يهديه؟؟؟؟
اختي اكيد انتي ادري بجوزك
بس زي ما قلتلك لازم تتدخلي اهلك في الموضوع علشان يعرف انك مش لوحدك وان وراكي ناس تقف جنبك
وكمان لا قدر الله لو مفيش حل غير الانفصال يبقي همه فاهمين المشكلة علشان يقفوا جمبك
ويعرفوا انك حاولتي معاه كتير
ويارب يهديه لكي وتتصالحوا وان شاء الله ربنا ما يجيب طلاق ولا حاجة وحشة
ربنا يكرمك
__________________
اللهم بارك لي في زوجي وفي ابنتي واجعلها ذرية صالحة