اولا شاكرا للجميع بصراحه من كل قلبي على تفاعلهم وارائهم ونصائحهم
ثانيا بوضح بعض النقاط جوابا على بعض الأخوان الي طرحوا بعض الاستفسارات:
بالنسبه لزوجتي السابقه لم تتزوج حتى الان
بالنسبه للي يسأل عن هل اني ناقشت الأم عن هالأمر/ نعم ارسلت لها احد من اقاربها اكثر مم مره
يوضح لها انزعاجي من اهمال ابنتي لكن بدون اي تجاوب او تغير للحال
بالنسبه للسؤال عن هل انها تكون عندي احسن حال خاصة عند زوجة الأب :
بقول بالنسبه لبنتي هي من كان عمرها ثلاث سنوات وانا بالشهر اخذها يوم واحيانا يومين
اطلعها لملاهي وارفه عنها واشتري لها الألعاب ونعم كنت بالبدايه متخوف على بنتي من زوجتي الحاليه
لكن راقبتها بدون ما تدري ونعم والله اني اكتشفت منها كل تعامل طيب واهتمام وحنان اكثر مما توقعته
ويعلم الله ان البنت متعلقه فيها حتى انها تناديها ( أمي) وكانت بنتي ما تنام الآ بحضن زوجتي ولا تنام
بنتي حتى تقص عليها قصه ( لأنها عودتها على ذلك ) ويعلم الله ان اذا كانت بنتي متواجده عندي تهتم فيها اكثر من ابنائها وكثير من اقارب زوجتي السابقه يعلمون ذلك ويشهدون فيه...
وبقول لكم سالفه ( انا لي سبع شهور تصدقون عاد لم اشاهد بنتي الا قبل يومين والسبب ان احد اقارب
زوجتي السابقه تكلم عليها ووضح لها ان بنتي حالها احسن عند ابوها وزوجته الي تعاملها افضل منك
حتى ان ابنتك تناديها بأمي ... وما كان من طليقتي تقودها طبعا امها واخواتها الا من اصدار قرار وهو
رفضهم ان اشاهد ابنتي او اخذها..... تصدقون عاد يعلم الله اني اقول الصدق
وما كان مني الا الصبر وتحمل ذلك لأني ما ابغى اكون كعقليتهم وادخل بمهاترات ومشاكل
امر اخر / بعض احد الردود اقترح اني اتفق مع طليقتي على حضانة بنتي وان اطلب موافقتها
واحاول اتفاهم معها على ان تكون ابنتي بحاضنتي؟
للاسف انا لم اجرب ذلك لكني متأكد من انها حتى لو انها غير مباليه ببنتها ولا مهتمه فيها
لكن ما رايح توافق على ذلك خصوصا ان القرار مو قرارها وهو قرار ( لجنة الدمار والمشاكل ) امها وخواتها
لأنهم ما يبغون اكون مبسوط ابدا ولا عندهم شي يقهرورني فيه ويقلقوا الراحه الي انا فيها الان الا
( بنتي ) مستخدمينها للاسف كورقة ضغط نفسي علي ......
وبالنهايه اتمنى اني اوضحت كل الأمور والاستفسارات الي طرحوها الأخوان
شاكرا ومقدرا للجميع التفاعل مع مشكلتي ونصائحهم